ازدادت حدة أزمة تلوث مياه ترعة المحمودية المصدر الرئيسي لمياه الشرب بمحافظة البحيرة، حيث تزداد المشكلة بشكل كبير بإلقاء المخلفات والقمامة والحيوانات النافقة بمياه الترعة بمدينة أبوحمص، بالقرب من شركة مياه الشرب والصرف الصحي بالمدينة.
وتسبب إلقاء المخلفات والقمامة في ترعة “المحمودية” في “تعطل ماكينات تطهير المياه بشركة مياه الشرب، فضلا عن تضرر المحاصيل الزراعية بملوثات الترعة والتي تغذي الأراضي الزراعية مباشرة”، وسط غياب تام للحكومة وإهمال متعمد من المسؤولين.
ويواصل أهالي البحيرة مناداتهم المتواصلة للمسؤولين للتحرك لإنقاذهم من هذه المشكلة التي قد تضر بمساحة كبيرة من سكان الوجه البحري حيث تمتد الترعة لمسافة طويلة تنتهي بالإسكندرية.
وفي حوار لـ”رصد” عبر الأهالي عن تضررهم من الأزمة وإهمال المسؤولين، حيث قال محمد حسين: “الفشلة والمرتزقة اللي ماسكين البلد النهارده مش شايفين الكارثة اللي بتاكل في عمرنا وصحتنا واللي ممكن لو حصل أي عطل في شركة الميه هيموت نص أهالي البلد”.
وقال أحمد عبدالعال، طالب: “المشكلة مش محتاجة وصف، جزيرة قمامة وحيوانات ميتة حوالين الكوبري ولو نزلت القرى والعزب هتلاقي بلاوي وكوارث أكتر”.
وتابع قائلا “بس أنا عاوز أسال سؤال واحد، هو مافيش مسؤول واحد بس عنده ذرة عقل يفهم إن اللي على الميه ده كارثة بكل المقاييس وعلشان يشيلوا آثاره بيحطوا مواد تأذينا أكتر على الميه؟!”.
