تداول رواد مواقع التواصل الاجتماعي، أغنية ساخرة من النظام الحالي، حملت عنوان “سيادة الحلانجي”، للشاب عمر شريف.
سخرت الأغنية من النظام الحالي، ومن العساكر والقضاة؛ حيث تقول كلماتها: “سيادة الحلانجي يا راجل يا سيس، يا ساكن في فيلا في شرم وباريس، يا آسر آمالنا يا سامع كلامنا يا شافط جيوبنا وقايل مفيش”.. “سيادة الملازم سعادة الفريق، بإيدك يا باشا رسمت الطريق، فضل اللي جابك وبأمر جنابك بكلمة ترجع تجارة العبيد”.. “سيادة المهرج يا عامل خطير، صبرنا كفاية سكتنا كتير، شبابنا وعكشته سلامنا وقتلته، ووعدك وخونته ومات الضمير، خلاص استبينا معاك واستوينا، فكمل ياباشا ومتشلش هم، فلوسك يا فندم وعزبك أهم”.
تواصل الأغنية تنديدها بأحكام القضاء المصري: “سيادة العساكر سعادة القضاة، يا بلد المظالم وليه العدل تاه، في وسط المآسي ولعب الكراسي، عينين شايفه بكره وحابه الحياه”، كما سخرت من الإعلام المؤيد للانقلاب العسكري: “سيادة المراسل سعادة المذيع، سيادة المحلل سعادة الجميع، بنشكر جنابكم تحيه عشانكم، وصلنا بسببكم لموقف فظيع، خلاص استبينا معاك واستوينا، فكمل يا باشا ومتشلش هم، فلوسك يا فندم وعزبك أهم”.
