تعيش محافظة بني سويف ، أيام الجفاف في ظل سريان نهر النيل بها , فقد انقطعت المياه عن منطقة شرق النيل بالمحافظة ل.6 .أيام علي التوالي , يوم الاثنين الماضي ، انقطعت عن المحافظة بأكملها لأكثر من 12 ساعة متواصلة .
واستاء مواطني المحافظة من ردود المسئولين الذين أرجعوا الانقطاع إلي تلف وعطل الماسورة المسئولة عن تخزين المياه ، فيما انقطعت المياه عن سكن المدينة الجامعية لمدة 6 أيام .
و قال محمد طالب جامعي : حسبي الله ونعم الوكيل بقينا بنملي ميه من العربيات عشان نشرب وطبعا الميه دي ملوثة بأمراض الدنيا ، يعني الحكومة كانها بتقول إما تموت من العطش أو تموت من الأمراض .
وقالت انجي منير : مفيش ميه اغسل بيها وشي ولا هدومي كرهت حياتي ، كل شويه نحط آمال علي الحكومة وأقول حال البلد هيتصلح بس مفيش تغير بالعكس بنرجع لوراء.
وأشار الحاج فتحي فلاح : يا ريس بقالي 6 ايأم مروتش الأرض مش حرام الزرع يموت واكل عيشي يخسر كده .
وعلقت السيدة منال موظفه وتعول : الأطفال من وهما صغيرين لازم نعودهم علي بعض العادات الصحيحة إلي تحافظ علي صحتهم من اهمها غسيل الأيدي والأسنان بس مش عارفة أعود ولادي علي كده بسبب الميه إلى كل شويه تتقطع ومش عارفة أوفر بديل وده مسبب لي مشكله وخايفة عليهم جدا من الأمراض .
و تعاني المحافظة من انقطاع متواصل للكهرباء يستمر ل6 ساعات يوميا في عدة مناطق،بالإضافة إلى أزمة غلاء الأسعار وطوابير البنزين والبوتاجاز .
