يواجه طلاب القرية العاشرة التابعة لمركز يوسف الصديق بالفيوم، الخطر كل يوم، أثناء ذهابهم إلي المدرسة صباح كل يوم، بسبب عدم توفر المواصلات، أو سيرهم على الأقدام في الطرق السريعة.
وتعود مشكلة الطلاب لعدم وجود مدارس بالقرية حيث يقوم أبناء القرية بالذهاب الى مدارس القرى المجاورة والتي تبعد عنهم ما يزيد على 4 كيلومترات، وذلك رغم تبرع الأهالي بقطعة أرض لبناء مدرسة بها ومحاولاتهم بشتى الطرق الحصول على مدرسة في قريتهم تحمي أبنائهم من خطورة الطريق.
يقول عبد التواب محمد أحد أولياء الأمور لـ"رصد": مشكلتنا من زمان واحنا حفينا وراء الحكومة عشان تبني لينا مدرسة ، من سنة 2005 والوحدة المحلية خصصت فدان أرض للمدرسة وقدمنا ورق للتربية والتعليم قالوا عدد الطلاب قليل.
وتابع: وبعد الحصر قالوا العدد يستحق بناء مدرسة أخدنا منهم ورقة تثبت ده ومشينا لهيئة الأبنية التعليمية قالوا لنا التربية والتعليم التي تخاطبنا، وفي عهد الدكتور مرسي وأخيرًا قالوا تم وضع قريتكم في خطة بناء مدرسة، ولكن منذ الانقلاب علي مرسي لدلوقتي مفيش اي حاجة اتعملت".
ويضيف ولي أمر آخر: "بناتي مش بيروحوا المدرسة عشان خايف عليهم من الطريق لأنهم بيمشوا يجي 5 كيلو وسط الأراضي الزراعية على الأقدام"، ويتابع آخر: وطلعت ابني من المدرسة عشان الحوادث على الطريق.
ويقول معلم رفض ذكر اسمه: "تلاميذ القرية العاشرة مستواهم ضعيف وبيكونوا مرهقين أثنا الحصة وتركيزهم وفهمهم ضعيف بسبب طول المسافة بين قريتهم والمدرسة".
