حينما كان التيار الكهربائي ينقطع أيام الرئيس محمد مرسي كانت الدنيا تقوم ولا تقعد، وكان المعارضون يتخذون الأمر فرصة في الهجوم علي قادة الدوله ، وإتهامهم بجر مصر إلى عصور الظلام.
هذه الأيام تتكرر الأزمه ولكن لا أحد يتكلم !! في الوقت الذي يعاني فيه المواطن المصري الأمرّين بسبب الإنقطاع المستمر للتيار الكهربائي يوميا ولمدة لاتقل عن الساعتين وتزيد أحيانا بالإختلاف من منطقة إلي أخري ، حيث يتسبب تكرار الأزمه في أضرار كثيره منها علي سبيل المثال تلف العديد من الأجهزه المنزليه، وتتحدث الحكومه عن ترشيد الإستهلاك وتخفيف الأحمال فقط دون تقديم حلول حقيقيه.
حيث قال المهندس محمد موسى عمران، (وكيل أول وزارة الكهرباء بحكومةالانقلاب) معلقًا على أزمة انقطاع الكهرباء في مصر بأنه، "لا توجد حتى الآن حلول لمواجهة انقطاع الكهرباء في الصيف القادم، سوى ترشيد الاستهلاك".
وأشار عمران خلال استضافته مع الإعلامية دينا عبد الرحمن،على قناة "سي بي سي إكسترا"، إلى ضرورة ترشيد استهلاك الكهرباء،منوهًا إلى أن الوزارة تقوم بإعداد "خطط لمواجهة أزمة انقطاع الكهرباء، ونسعى ببذل جهود أكبر لعدم انقطاعها في الصيف المقبل، ولكن على المواطن أن يتعاون معنا وذلك بترشيد الاستهلاك".
وتابع معلقًا على بعض المشاكل التي تواجه قطاع الكهرباء "لدينا مشكلة في توفير الموارد، لدفع فاتورة الوقود لمحطات الكهرباء".
وقد علق أحد المواطنين علي هذه التصريحات مندهشا من إرجاع سبب الإنقطاع المستمر إلي تخفيف الأحمال في فصل الشتاء قائلاً "إحنا مسمعناش قبل كده إن في تخفيف أحمال في الشتا، أومال هنعمل إيه في الصيف!؟ يعني هيكون حر وظلام وخراب ديار!! "
وحينما سُئل أحد المواطنين عن السبب الحقيقي وراء الأزمه وهل هناك إختلاف في الفتره السابقة أم لا؟ أجاب قائلا:" الفرق الوحيد إنهم كانوا بيضحكوا علينا، و بأمانه كده يعني السبب كان سياسي وهي باينه للكل إحنا دلوقتى لما نيجي نقارن أداء الإعلام في كلامه علي أزمة الكهربا وقت مرسي كانوا بيقولوا السبب الوزير ويتحملها هو والحكومه و يظلو يقولوا الإخوان ومرسي بيبعتوها لغزه ودي حكومه فاشله ، أما دلوقتى فـ مفيش حد بيتكلم في الإعلام عن الأزمه خالص فالسبب كان سياسي عشان يشوهوا صورته أمام الناس بغض النظر عن تأييدي أو معارضتي ليه لكن ده اللي كان بيحصل من وجهة نظري"
وعلى صعيد أخر علق أحد المواطنين قائلا: "السبب إن بعض الناس اللي شغالين في قطاع الكهربا دلوقتى من الإخوان هما اللي بيتعمدوا يقطعوها عشان يقولوا إن الحكومه معملتش حاجه إنما وقت مرسي كانوا بيصدروه لـ غزه ، إحنا لازم نصبر عالحكومه شويه الكهربا دلوقتى بتقطع نص ساعه بالكتير مش زى وقت ما مرسي كان ماسك"
ويعلق آخر "أنا لا فارق معايا مرسي ولا سيسي ، أنا كل اللي فارق معايا لقمة عيشي وبس ، يعني أنا دلوقتى عندي مخبز وده مصدر رزقي الوحيد لما الكهربا تقطع دلوقتى بقي كل يوم ساعتين ولا تلاته أنا أعمل إيه وأدفع منين مصاريف العماله اللي عندي ، وبرضه ييجوا أخر الشهر ألاقيهم جايبين فاتورة الكهربا عاليه أوى ، أجيب منين أنا".
فيما أرجع الخبراء والمحللون الأمر إلى عدة أسباب على رأسها نقص الوقود وعدم كفاءة محطات توليد الكهرباء وغياب الرؤيه المستقبليه للحكومة المؤقتة الحالية
وكانت الكهرباء قد انقطعت اليوم كالعادة عن عدد من المحافظات منها بعض مناطق القاهرة والجيزة والمنوفيه والقليوبيه ودمياط وبنى سويف وشمال سيناء والفيوم والاسكندرية وكفر الشيخ لساعات طويلة بحجة تخفيف الاحمال فى فصل الشتاء ، وسط تخوف كبير من الأهالى مؤكدين أن القادم أسوء حيث من المتعارف عليه إزدياد استخدام الكهرباء بشكل كبير فى فصل الصيف نتيجة التشغيل المستمر للتكييفات والمراوح وبالتالى زيادة الاحمال.
