سخر نشطاء مواقع التواصل الاجتماعي من التصريحات التي أطلقها مجدي عبدالغفار وزير داخلية الانقلاب في حكومة محلب والتي قال فيها: “أي حد ليه حق ومش عارف ياخده يجيلنا”.
وجاءت تعليقات النشطاء كلها في اتجاه واحد، وهو السخرية من هذه التصريحات التي أطلقها الوزير بحكومة محلب.
وقال حسام شرابي: “فيك الخصام وانت الخصم والحكم”، بينما سخرت ندى الزملكاوية بقولها: “عشان مش هنخرج تاني إن شاء الله”.
بينما غرد حاسب Bosy Cat: “حلوة النكتة دي متقولهاش تاني بقي، وضربت أماني أحمد مثالًا لتنازل محمد سلطان عن الجنسية المصرية، مضيفة: “واحنا هنخليه يتنازل عن الجنسية بتاعته”.
وتساءلت نور عادل: “واللي ليه حق عند الداخلية، يعمل إيه؟”.
واقترح محمد متولي: “تركيب كاميرات مراقبة تسجل ما يحدث داخل السجون والأقسام ويشرف عليها لجان قضائية”، بينما سخر أيمن أحمد دراج: “هو يجيلنا بس واحنا هنخليه ينسى حقه وحق أهله كمان”.
فيما قال حساب ” HàtlǿCk HȜmlk Blǿck” : “ياباشا انتو اللي بيروح عندكو مش بيجي تاني”.
وعرض هاني إبراهيم واقعة حدثت بالفعل معه، حيث قال: “في واحد ناصب عليا في 25 ألف جنيه من سنتين وجتلكم وعملتوا محضر وحفظتوه، بطلوا كدب بقا، ومعاكم اسمه وعنوانه ورقم بطاقته وصورة بطاقته، هو مطمن عشان عارف إنكم نايمين في الخط ومش هتعملوا حاجة وعايزين واسطة عشان تشتغلوا”.
وقال حمادة سعد: “متقلش كده إحنا إخوات عيب وبعدين ما اللي في جيبنا في جبكم”، مضيفًا ، ياسيادة الوزير لو دورت على حقوق الناس دي عايزة سنوات من الجهد وتلتين الضباط استقالات أنت بتلبسه البدلة لما بيتخرج بيقلب فرعون عرفت ليه الناس بتأخد حقها بالدفاع حتى منكم، عشان مفيش عدل ولا احترام ولا كرامة بطلوا تهروا الناس عشان مبقاش حد أهبل”.
وذكر حساب Sa Sa : “ده أنتو كل يوم واحد بيموت تحت أيديكم ف الاقسام يا… “، “متسائلًا: “حق إيه اللى هتجيبوه، بطلوا أذى للناس الأول قبل ما تجيبو حقوقهم”.
