سادت حالة من الاستياء بين شباب أبوالمطامير بالبحيرة، بعدما سمح مجلس المدينة بخصخصة كل الأماكن داخل حديقة أبوالمطامير العامة والتي كان يستخدمها الشباب في سهراتهم وأفراحهم، واصفين القرار بأنه عداء للشعب .
وبحسب الأهالي فإن حديقة أبو المطامير كانت منذ القدم مصرف للصرف الصحي، حتى تم ردمه وأصبحت مكانا جماليا، يستخدمها الجميع دون مقابل، إلى أن تم تحويلها لمقاهي وكافتريات، بأمر الدولة .
ويشتكي الأهالي من إنشاء أول كافتيريا تحت اسم “دريم” بعد قرارا الحكومة، مشيرين إلى أنه يتم بداخلها أمورا غير لائقة، فيما يقول صاحب الكافتريا دريم “الحمد لله ربنا قدرني والمكان كويس وبنكسب منه كويس والشباب بييجي يسهر عندنا واحنا مش بنرفع في الأسعار، وده مكان لكل الناس، ايه اللى حصل عشان يعملوا كده”.
وقال أحد الشباب رفض ذكر هويته “أنا مش هقول دي حاجة كويسة ولا وحشة، أنا هقول موقف واحد بس وشوفته عشرات المرات، احنا بلدنا ريفى متعودين من أهلها على الأدب والاحترام والأخلاق الحميدة، لكن لما نتفاجئ إن مكان زى كافتريا “دريم لاند” فيه ركن يطلق عليه ركن “التظبيط” دى المصيبة اذاى ولد وبنت يقعدوا مع بعض محدش يبص عليهم وواخدين راحتهم على الاخر بكل الطرق، ازاى دا يحصل يا جماعة؟“.
وأضاف ” المصيبة الأكبر إن المكان دا بينه وبين مركز أبو المطامير 20 متر، وبرغم كدا سايبينه، بجد ياريت نرجع زي الأول ونفوق لنفسنا ونتمسك بالمباديء اللى اتربينا عليها، وآدي بقي الأماكن اللي مجلس المدينة بيأجرها وبييجي ع الشباب الغلابة .“
وقال حماده عادل، صاحب سايبر “المكان كان واسع ونضيف الأول دلوقت اتفرج بقي كده هتلاقي الجنينة كلها أسوار داخلة على بعضها، مفيش شبر فاضي, اللي مأجر حته عاملها ملاهي، واللي واخد جنب فارش فيه بشوية لب وبيبيع شاي، واللي فاتح قهوة ولا حياة لمن تنادي واحنا قاعدين نتفرج”.
