يعيش أهالي المنوفية، حالة من الضحر بسبب الارتفاع الشديد في أسعار الخضروات والفاكهة بالأسواق، حيث تحولت معظم الفاكهة بالسوق كمعرض أمام ربات البيوت الذين عزفوا عن الاقدام عليها لارتفاع ثمنها من جانب، ومن جانب آخر لشراء الخضروات الأساسية أولا.

وفي المقابل يرى بائعي الخضار أنه لا ذنب لهم، فهم ليسوا من وضع الأسعار، وأنهم يخسرون أكثر مما يكسبون، وكل منهم له أسعاره الخاصة.

وبالسؤال عن الأسعار في أسواق المنوفية، كانت أسعار الخضار كالتالي؛ الطماطم  10 جنيه، والخيار 6 جنيه، والفاصوليا  7جنيه، والباميه  25 جنيه، والبطاطس 2جنيه، والبادنجان 4.30 جنيه”، فيما كانت أسعار الفاكهة كالتالي، التفاح الأخضر 13جنيه، والتفاح الأحمر 17جنيه، والخوخ 8 جنيه، والأناناس  6 جنيه، والجوافه 5 جنيه”.

تقول سعدية حامد، بائعة، “أنا ببيع الخضار بقالي 12 سنة عمري ماشوفت الغلاء وقلة الشراء اللي موجود حاليا، المشكلة الحقيقية اننا لسه مدخلناش على شهر رمضان والأسعار غالية جدا، طيب في رمضان هتكون ازاي؟”،

فيما قال فاروق محمود، بائع خضار، “الأسعار عندنا في المنوفية عمرها ماوصلت للغلاء ده قبل رمضان”.

وأعربت سالي عادل، مهندسة، عن استيائها، قائلة “أنا أول مرة اشوف الغلاء بشكل ده، الأكلة الواحدة أصبحت مكلفة جدا، خضار وفراخ ورز ممكن تدخل في حدود 150 جنيه، ولو بدلت الخضار باللحمة توصل 200 جنية، والغريب إن المرتبات بتقل وبتتسحب ضرايب منها، يعني الدخل في النازل والأسعار في الطالع”.

وقالت سامية صبري، ربة منزل، “أنا زوجي بيعمل باليومية ورزقنا على القد، أنا بنزل السوق علشان اجيب طلبات البيت، زمان كنت بجيب كل شئ، دلوقتي أنا بس اشتريت طماطم ونوع خضار، مش عارفه هو الغلبان كمان في البلد دي مش هيلاقي ياكل بعد كده؟”.