قال عبد الفتاح السيسي في تصريحات خلال تفقده أكاديمية الشرطة السبت إن : «الدولة تحتاج لإنفاق أكثر من 50 تريليون جنيه سنويا، ونصف المبلغ يُدفع للبنوك فوائد الدين الداخلي، والكلام ده المفروض متكلمش فيه خالص».
وقال السيسي خلال تفقده أكاديمية الشرطة إن الحكومة تستأجر المنشآت الحكومية والرئاسية من شركة العاصمة الإدارية بنحو 10 مليارات جنيه سنويا.
ووجه عبد الفتاح السيسي كلمة للشعب، قائلا: “حافظوا على بلدكم والبلد اللى قاعدة بناسها خلي بالكم مش تقعدوا كل شوية تهدوا فى بلدكم”.
وزعم السيسي أن هناك خطة ضد الدول بنشر الشائعات والكذب عبر وسائل التواصل الاجتماعي :”وفي حجم كبير من الأكاذيب والإفتراء ويجيب حدث حقيقي صغير ويكبره”.
موضحا: “والشغل ده بيتعمل من أجهزة مخابرات ولا اتكلم عن دول معينة ومن حق الناس تفكر أنها تخربنا لكن يجب أن تكون عندنا مهارة لإفشال خطته ونحن لنا خصوم والخصوم دول مش مصلحتهم أن تكون مصر كويسة”.
وأضاف السيسي: “لازم تكونوا عارفين إحنا لينا خصوم والخصوم مش مصلحتهم إن مصر تبقى كويسة، بلد فيها 120 مليون، معدلات الحركة والنمو بتاعتها لو استمرت كده لمدة 10 أو 15 سنة هنكون في حتة تانية، بفضل الله معايا، مع غيري، مع اللي بعدي، فمتقعدوش كل شوية تهدوا في بلدكم، خلوا بالكم، هما يومين واللي بعدي جاي، واللي بعد منه جاي، لكن البلد اللي قاعد فيها ناسها، يبقى نهد في بلدنا ولا نحافظ عليها”.
وحسب المتحدث الرسمي للرئاسة فإن السيسي :” أجرى حواراً مع طلبة الأكاديمية، تناول الأوضاع الداخلية والإقليمية والدولية، وشدد على الدور المحوري الملقى على عاتق القوات المسلحة والشرطة، موضحاً أن الأوضاع الإقليمية تستوجب تكاتف جميع أبناء الوطن لمواصلة النهوض به وحمايته من أي تهديدات، وضمان الحفاظ على مكتسباته وجنى ثمار التنمية من خلال توفير الأمن والاستقرار”.
