ظهرت الفنانة المصرية حنان ترك لأول مرة في بث حي على صفحتها الشخصية منذ اعتزالها وارتدائها الحجاب حيث أكدت أنا لم تصرح الفترة الماضية بأي أراء دينية أو سياسية.
وقالت حنان ترك في تصريحاتها: «أولا أنا جاهلة سياسيا ومعنديش وعي ولا ثقافة سياسية أقعد أنظر بيها، ثانيا أنا درست علوم شرعية على سبيل النجاة وليس على سبيل الدعوة، لإن الدعوة دي حاجة كبيرة محتاجة علم ومش أي حد يقدر يعملها.. أنا فين والكلام الكبير ده فين؟ أنا مليش علاقة خالص بأى حاجة تنزل على لساني فتوى أو غيره، أنا أصغر بكتير من إني أفتي في الدين.
وأضافت:«صعبت عليا نفسي لما حبايبي زعلوا مني بسبب حاجات أنا مليش علاقة بيها خالصأى حاجة نزلت على لسانى ويقولوا حنان قالت فتوى وإن ربنا غضبان على فلان، أنا مليش علاقة خالص، أنا لا بحرم ولا بحلل ولا الكلام ده له أى علاقة بيا، وأنا مقدرش افتى في دين ربنا، وده له ناسه، ونصيحة لكل الناس، لما تحب تاخد نصيحة خدها من أهل العلم والناس المسؤولين عن الفتوى ومصرح لهم بها»
