"ما بنتهددش" هكذا رد شباب الإخوان المسلمين على موقع التواصل الاجتماعى الفيس بوك على ما جاء ببيان المجلس العسكرى من تهديدات لجماعة الإخوان المسلمين معلنين استعدادهم لأى مواجهة محتملة مع المجلس العسكرى، ومؤكدين على استحالة تكرار سيناريو 54 لان ميدان التحرير موجود.
وجاءت تعليقات شباب الإخوان:
– اللى بيهددنا بـ 54.. وبيقولنا ذاكروا تاريخ.. أحب أفكره بقفص المخلوع.ش
– اطمنوا معشر الإخوان مش هيقدروا يقفوا قصادنا انتم ناسيين السلاح بتاع ليبيا اللى معانا اللى قال عليه أبو حامد؟؟ إحنا الأقوى.
– يللا ما هو بعد ما الثورة زحلقت المخلوع لاقوها فرصة يمسكوا البلد ويقرروا مصالح الجماهير بمزاجهم, آسفين يا مجلس إحنا محدش وصى علينا.
– بيهددونا بالتاريخ .. اعذروهم برضه يا إخوانا أصل الزهايمر كده بيخليك تفتكر فى القديم وتنسى الجديد يسقط يسقط حكم العسكر.
– رسالة إلى المجلس العسكرى بعد دراسة التاريخ جيداً اكتشفنا التالى جماعتنا لا تزال بفضل الله باقية رغم المحن.
– ادعوكم لدراسة التاريخ القريب وما مليونية قندهار منكم ببعيد.
