اعترف نائب أسيوط، راشد أبو العيون، بواقعة مداخلة شقيقه الهاتفية نيابة عنه مع الإعلامي معتز الدمرداش، وانتحال شخصيته، قائلًا: “سيدنا موسى نفسه طلب مساعدة أخوه”.
قال “أبو العيون”، في لقاء ببرنامج “90 دقيقة”، المذاع على فضائية “المحور” :”انا كنت في مستشفي مع أخويا اللي بيزرع كبد، ولقيت أخويا ابراهيم بيشاورلي بيقولي تعالي كلم أ.معتز، وأنا أقسمت ان انا راشد وانا اللي معاك من أول الحلقة ومعرفتش ان ابراهيماخويا اتكلم الا بعد الحلقة.
وعن سبب انتحال شقيقه لصفته، قال :” عندنا في أسيوط و الصعيد أخو النائب الكبير بيكون معاه في أي مكان وأي حاجة، وأخويا بيقوم بجميع مصالحي مع الناس مكاني، و أهم حاجة المعلومة تكون متوثقة مشمهم المصدر”
وتابع :” ياريت الإعلام يهتم بالموضوعات الأخرى عشان نقف على رجلينا يا أستاذ معتز، وأنا عارف ان انت محاور جيد وحويط»، ليرد “الدمرداش”: “مقدرش أفوت الغلطة دي؛ لأنها كذبة، وحضرتك نائب برلماني تمثل الشعب”.
وأضاف: “أنا عارف أنا إيه، وعارف سلوكي إيه، ويكفي إني بحترم الناس، وبخدمهم كلهم، أنا خايف من ببنا بس، مش خايف لا من معتز الدمرداش ولا من أي حد في البلد، ويا أستاذ معتز حضرتك مذيع جيد جدًا”
ويرد الدمرداش: “انت كده بتستهين بالشعب المصري، ومش عايز تعتذر قبل ما نقفل؟”، ليتابع النائب: “اعتذر بس لو أخطأت في حق ربنا”.
كان الإعلامي معتز الدمرداش، قد أجرى اتصالًا هاتفيًا بالنائب البرلماني عن دائرة أسيوط راشد أبو العيون، الأحد؛ من أجل التعقيب على توصية رئيس مجلس النواب، للواء مجدي عبد الغفار وزير الداخلية؛ من أجل قبول أقارب نواب البرلمان في كلية الشرطة، ليكتشف أن المتحدث هو شقيق النائب، وأنه ينتحل صفته.
