أكد عبدالفتاح السيسي، أنه كان بحاجة إلى صندوق تحيا مصر لاستثمار تلك المبالغ في العديد من المشروعات.
وقال: “حين تم الاعلان عن إنشاء صندوق به 100 مليار جنيه، الناس كلها قالت هتعمل بيه إيه، إحنا عايزين مبالغ زي دي وأكتر للمشروعات”.
وأضاف السيسي، خلال افتتاح المرحلتين الأولى والثانية من مشروع “تحيا مصر” بـ”حي الأسمرات” في المقطم، اليوم “الحكومة علشان تحل مسألة محتاجة كتير، وأنا عارف إن وزير التخطيط دايمًا متألم مني، ورئيس الوزراء، وأنا بحرجهم وملناش خيار تاني، والأمر لو يتطلب مننا إننا مناكلش مش هناكل بس ميبقاش فيه مناظر عشوائية زي دي تاني”.
وتابع: “أنا ماقدرش أنام وأبقى مبسوط وغيري بيتألم ولا بياكل ولا مبسوط، وهذا يتطلب إننا يبقى إيدينا في إيدين بعض.. المناظر العشوائية اللي شفناها مش هنشوفها في مصر مرة تانية في خلال سنتين، إحنا عايزين نبقى مع الناس دي ونساعدهم أكتر”.
