تصدر هاشتاج “#متضامن_مع_شادي”، موقع التواصل الاجتماعي “تويتر”، أعرب خلاله مغردون عن تضامنهم مع شادي ابو زيد، مراسل برنامج أبلة فاهيتا، والفنان الشاب أحمد مالك، عقب الضجة التي أثارها فيديو ” الواقي الذكرى “، حيث طالب اعلام النظام بحبسهم ، بعد وصفهم بالخيانة والشذوذ.

تقدم العديد من المحامين منهم سمير صبري ببلاغات للنائب العام ضد “مالك” و”شادي”، فيما أعلنت نقابة المهن التمثيلية إجراء تحقيق مع “مالك”، وأعلن برنامج “أبلة فاهيتا” إنهاء تعاقده مع “شادي”.

جاءت بعض التعليقات:

Rania Mansour- :عشان مش كل ما واحد يهرش في دماغه في البلد دى تتوجه له تهمة إهانة قضاء جيش شرطة انتم مش أحسن من باقي الشعب.

Farida-: لم نحاكمهم على دمانا حاكمونا على هزارنا .

Che Ibrahem-: وكأن ربنا مش هيحاسب العساكر عشان غلابة!.

-دينا:  مالك وشادي استغلوا جهل العساكر.. إهانة، وانك تعري بنات وتعذب بني آدم لحد ما يموت في إيدك، وتفقع عين الشباب بالخرطوش مش إهانة.

‏-engmedo ahmed: الهجوم علي شادي ومالك بيفكرني بنجمة إبراهيم في ريا وسكينة لما بتقول “بنت الحرام عضتني في إيدي وأنا بخنقها”.

‏-FarahTarek : سد النهضة قرب يخلص والحكومة منفضة .. بس عيال بتطلع اللي جواها وتهزر البلد كلها تتقلب عليها!.

– سامح العيدروس: هو مش القانون لا يحمي المغفلين يا باشا وانت مغفل اومال زعلان ليه بقى وعايز تحاكم اللى عمل الڤيديو ! .

-KhaLed NazLawy: القتل عادى والتعذيب عادى والظلم عادي إنما تسخر من اللي بيعملوا كده ده اللي مش عادى !!.