مع انشغال مؤسسات الدولة بانتخابات البرلمان، تتراكم أكوام القمامة ومخلفات المنازل على مداخل قرى مركز يوسف الصديق التابع لمحافظة الفيوم، مما يتسبب في انتشار الأمراض والحشرات والأوبئة، فضلا عن الروائح الكريهة والمنظر المشوه.
ويشكو الأهالي تراكم أكوام القمامة أمام منازلهم، وعلى جانبي الطرق في مداخل القرى، مما يتسبب أيضا في ضيق الطرق.
وفي تصريحات خاصة لـ”رصد” بين الأهالي، يقول أبو محمود: “سواقين الجرارات معدومي الضمير بيرموا الأتربة والأحجار الناتجة من هدم المنازل على الطريق، وده ممكن يسبب مشاكل كتيرة، ولازم المجلس المحلي يتدخل علشان ماتحصلش مصيبة“.
ويقول محمد علي: “الحكومة مش فاضية لنا مشغولين في الانتخابات، والناس تموت في حوادث في ستين داهية، ما هم عندهم منهم كتير“.
ويضيف علي عبد العزيز: “لو كل واحد اتعامل مع الطريق ومدخل القرية إنه مدخل بيته ماحدش هيرمي حاجة فيه وهيفضل نضيف”.
