تمتد منطقة العشش من بداية شارع السودان من ناحية كوبري الخشب حتى منتصف الشارع تقريبًا، وتقبع خلف العمارات الرئيسية بالشارع مباشرة، ولا تبعد عن منطقة المهندسين الراقية سوى بضع دقائق.
يقول حازم عبد الراضي، أحد سكان عشش السودان: أنا عندى 23 سنة من مواليد العشش ، وعندى 3 غرف عايش فيها انا وامى وزوجتي واخواتي ، عبارة عن عشش اتولدت وعايش فيها ومليانه حشرات ، ومع ذلك جت الحكومة هدمتها ورمتنا فى الشارع ، وضربونا بالقنابل المسيلة للدموع والخرطوش ، وقالولنا :انتوا حشرات ورمونا فى الشارع ، وأضاف: الشقق الى بنوها دى مش لينا .. دى لناس غريبة مش من العشش اصلا ..انا مش عايز شقة انا عايز الحكومة تعطينى العشة بتاعتى وبس مش طالب اكتر من كدا.
ووجه رسالة لرئيس الجمهورية: ياريس انا لسه متجوز.. عايز مكان اعيش فيه انا وزوجتى واهلى .. احنا عايشين فى الزبالة ، دا حرام دا ميرضيش ربنا انت هتتسئل علينا يوم القيامة .. احنا مرمين فى الشارع رمية الكلاب ، دا لو روحنا لليهود هنلاقى فى قلوبهم رحمة وهيجبولنا سكن نعيش فيه.
