كشف الكاتب والمخرج شامخ الشندويلي عدة أمور ومعلومات مثيرة، عن محمد فودة، والذي ألقت الأجهزة الأمنية القبض عليه منذ 5 أيام بعد تورطه في قضية فساد كبرى.
وقال -عبر منشور له على “فيس بوك”-: “فودة كان مجرد جامع أخبار للصحف يجينى البيت يقول لي أخبارك الفنية إيه يا أستاذ وكنت اكتبهاله بايدي عشان تقريباً مش بيعرف يكتب -كان اظن معاه الإعدادية -، وكان وهوه ماشى يقول لى مامعاييش اركب عشان اروّح فكنت اديله خمسة جنيه.. الكلام ده من خمسة وعشرين سنة”.
وأضاف “الشندويلي”: “بعد كده قطعت علاقتى بيه لما سمعت استغفر الله العظيم عن علاقته بالوزير الشاذ اللي استغلها وبقى رئيس تحرير جريدة مغمورة، وبعدين ملياردير من الوساطة في الرشوة بين المسؤولين ورجال الأعمال وكان سبب فى دخول بعضهم السجن وقتها”.
وتابع مندهشًا: “الشيء الغريب أنه اتسجن مدة فى القضايا دى ولما طلع سابوه يتمتع بالمليارات اللى جمعها من الحرام ويبقى من أغنى الناس في مجتمع الفساد ويلعب بالفلوس لعب، وبدل ما يكتفى باللي جمعه من حرام ظل يمارس الفساد ليجمع المزيد ويتسبب فى المزيد من كشف عورات البلد”.
.jpeg)
