ارتفعت أسعار الخضروات والفاكهة، بشكل ملحوظ، في أسواق المنوفية، على الرغم من أنها محافظة زراعية.

يقول رجب محمود، مواطن: “سعر السوق النهارده أغلى من امبارح يعني لما اشتري الطماطم بـ3 جنيه أول امبارح وآجي السوق النهارده تكون بـ5 جنيه يبقى أكيد في حاجة غلط يعني 3 ك طماطم بـ15 جنيه وانا لسه مشترتش أي حاجة علشان اكمل أكلة يوم واحد، حرام بصراحة هي الحكومة فين من اللي بيحصل ده؟!”.

وأكد مدحت فاروق، بائع خضار، “أنا بروح اجيب الخضار من الوكالة بسعر غالي يعني الغلاء عليا وعلى المواطن”.

وأضافت نادية صلاح “ربة منزل”، “أنا عندي 4 أولاد وأم زوجي يعني أقل شيء هجيب 4ك طماطم يعني 20 جنيه طماطم و2ك كوسة بـ12 جنيه و5ك باذنجان بـ20 جنيه وكيلو فلفل أخضر بـ4 جنيه و2 ربطة خضرة بـ3 جنيه، يعني هكلف وجبة بدون لحوم 59 جنيه، طبعًا دي وجبة واحدة يعني في الأسبوع محتاجة 500 جنيه علشان ناكل واحنا شعب غلبان والرواتب بتقل مش بتزيد هنجيب منين يا حكومة؟!”.