عاد الظلام وبقوة يخيم على العديد من قرى ومدن محافظة دمياط، بعد عودة انقطاع التيار الكهربائي لساعات طويلة في معظم قرى المحافظة، كالسنانية ومنية دمياط والخياطة وغيرها.
يقول حامد علي: “افتكرنا إن موضوع قطع الكهربا ده انتهى، وإن الدولة حلته فعلا حل جذري، لكن واضح إنهم كانوا بيضحكوا علينا، علشان نتفاجئ في الحر اللي هيموتنا ده، الكهربا بتقطع بالأربع ساعات ويمكن مرتين في اليوم”.
وأضاف “وكمان الشركة بتسرق من العدادات ونروح نقف طوابير طويلة في عز الحر علشان نشحن الكارت للعداد”.
قرية الخياطة الكائنة بشمال مركز دمياط، والتي تعتبر في حد ذاتها قلعة في صناعة الموبيليا وبها عدد لا نهائي من الورش يستوعب أعدادًا كبيرة من العمال، عانت أمس من انقطاع الكهرباء استمر لأكثر من ثماني ساعات متواصلة وسط موجة من السخط بين المواطنين من طول المدة وعدم الاكتراث للأطفال الرضع ونساء كبيرة ربما تموت من شدة الحر في المنازل.
خالد إبراهيم، من أبناء القرية، يقول: “لما الكهربا تقطع أكتر من 8 ساعات في الحر اللي احنا عايشين فيه ده الناس تعمل إيه؟ فيه أطفال ونساء ميقدروش يخرجوا من البيوت، يمكن الشباب والرجال بيخرجوا يروحوا على القهوة أو يتمشوا شوية، وبعدين ممكن تقطعها ساعة ولا اتنين لكن 8 ساعات متواصلين، وكمان مفيش رحمة، يعني يقطعوا الكهربا ويسرقوا فلوسنا من العدادات، طيب نشتكى لمين والله ما احنا عارفين”.
لم تكن الخياطة وحدها التي عانت وتعاني من إنقطاع الكهرباء، أيضًا قري كفور الغاب التابعة لمركز كفر سعد والتي يتجاوز عدد سكانها المائتي ألف نسمة، يعانون من انقطاع مستمر للتيار الكهربائي يوميًا، ربما مرتين في اليوم في كل مرة لا تقل مدة الانقطاع عن أربع ساعات متصلة.
عيسى عبدالفتاح، من سكان إحدى القرى في كفور الغاب يقول: كنا ارتحنا من موضوع انقطاع الكهرباء وقولنا الدنيا هتبقى تمام لكن اللي بيحصل الأيام دي فوق طاقة الاحتمال، الحر هيموتنا وكمان الكهربا بتقطع مرتين فى اليوم كل مرة مش أقل من أربع ساعات، وفي عز الليل لما الناس بتقوم تجري على الأراضي وتتحمل الناموس عن الحر”.
طال انقطاع التيار أيضًا، القرى المتاخمة لمدينة دمياط؛ فبالأمس شهدت مناطق السنانية في مدخل المدينة ومنطقة شط جريبة التابعة لمركز دمياط والعنانية ومنية دمياط والشعراء، انقطاع الكهرباء الذي استمر ما يقارب الساعتين في كل منطقة، هذا بالرغم من عودة ورش دمياط للعمل بعد إجازة عيد الفطر التي استمرت أسبوعين وهو ما يترتب عليه تعطيل للعمل في الورش التي تعتمد بالأساس على الكهرباء في تشغيل العدد والماكينات.
