يعيش أهالى محافظة بنى سويف فى ايام عيد الفطر المبارك فى حالة من الغضب والسخط على سائقي عربيات الاجرة بالمحافظة، فأدت ارتفاع اسعار الوقود الى رفع السائقين للاجرة على طريق القاهره  بنى سويف فى موقف المنبيب بالقاهره فرفع بعض السائقين الاجرة من الثمن المحدد لها 16 جنيه الى 30 جنيه فى اول ايام العيد .

أدت ارتفاع الاجرة الى حدوث خناقات ومشاكل بين السائقين والركاب وامتنع بعض الركاب عن دفع الاجرة وبعدما حمل السائقين العربيات بعد عدم الاتفاق على الاجرة نزل الركاب مرة ثانية من العربيات.

وفى هذا السياق عبر احد السائقين بالموقف أيمن  جمال، يوم عيد بس الى بنرفع الاجرة فيه الناس بتبقى معاها فلوس وحالتهم حلوة والمفروض اننا مش بنشتغل اصلا فى يوم العيد عشان بنروح نعيد على اهلنا فانا بضطر اشتغل فعبرفع الاجرة عشان تعوض الايام التانية.

وقال رمضان  ممدوح:” الدولة عامله تسعيرة اساسية 16 جنيه للاجرة طيب انا يما اخد 16 جنيه من الزبون وانا ماشى بدفع 10 جنيه على اول كمين وفيه كمين تانى ع مخرج بنى سويف بدفع 3 جنيه كده 13 جنيه اتصرفت اخد انا 3 جنيه باقين اروح بيهم البيت .. الدولة بتستعبط بينا.

وطالب السائقون بفرض تعريفة جديده تتناسب مع ارتفاع الأسعار، تجنبًا لتكرار المشاجرات مع الركاب.