يعاني أهالي محافظة البحيرة من حالة التردي التي يشهدها الطريق الرابط بين مدينة أبوالمطامير ومدينة كفر الدوار لما فيه من عوار وغياب كامل للإصلاحات.
ويعد هذا الطريق واحدا من أهم الطرق بالمحافظة حيث يقع عليه عدد كبير من قرى المدينتين وكذلك يمر المسافرون لمحافظة الإسكندرية من مدينة أبو المطامير بالطريق وبالرغم من ذلك فإن حالة الطريق رديئة وسيئة للغاية حيث يمتلئ الطريق بالمطبات الصناعية، وتوجد وصلات كبيرة ليست مستوية ولا تصلح لمرور السيارات.
وقد شكا الكثير من المواطنين من الإهمال بالطريق، إذ علق أحمد سليمان “سائق” على أزمة هذا الطريق قائلا: “أنا راجل سواق على الطريق بقالي 3 سنين لما باكون رايح مشوار في مكان تاني بعيد عن الطريق ده وتقريبا نفس المسافة باوصل في ساعة ونص بالكتير، إنما لما أكون مسافر إسكندرية بيبقى في وقت ممكن يوصل ساعتين ونص والركاب بيتبهدلوا معايا والعربية بتتبهدل مني”.
أما شيماء مصطفى، إحدى المواطنات التي تمر بهذا الطريق أثناء انتقالاتها، قالت: الطريق وحش خالص وبتعب منه والعربية طالعة نازلة على ما أوصل إسكندرية باكون تعبانة ومش قادرة أتحرك بسبب الطريق”.
فيما قال أحمد سلامة: “أنا باسافر تقريبا إسكندرية كل يومين بحكم ظروف شغلي، كل 20 متر فيه مطب طبعا ده غير الوصلات الكتير اللي مفيهاش أسفلت وكمان العربيات الموجودة على الخط اللي زي الزفت وفيه مصيبة لو صادف سفري يوم جمعة فيه سوق في قرية “كوم الفرج” السوق ده بيقفل الطريق كله، والناس بيفرشوا في قلب الطريق من الفجر وبيخلص السوق الساعة 2 بعد الظهر”.
كما اتفق معهم في الرأي عمار سمير الذي أعرب عن ضيقه من الإهمال في الطريق قائلا: “طب الطريق كده في الصيف يعني مقبول ابقوا تعالوا اتفرجوا عليه في الشتاء، الطريق كله بيكون عبارة عن برك من الطين”.
