استاء عدد من المواطنين، من قرار حكومة محلب خفض دعم الخبز بمقدار 3 مليارات جنيه.
وقال أحد المواطنين: “في ناس غلابة محتاجين العيش، فول وطعمية وعيش، ده أكل الغلابة”.
واقترح مواطن “يشيلوا الناس اللي مرتبتها كبيرة، والناس اللي بيجددولهم بعد المعاش ويسيبوا الدعم للمواطن”.
ويرى آخر “أن رفع الدعم هيسبب أزمة كبيرة بعد خفض الدعم لـ3 مليارات جنيه، مضيفًا “كده بنموت الشعب، إحنا عندنا أسر تحت الصفر، احنا عندنا حاجة أساسية اللي هي رغيف العيش”.
وأردف آخر: “العيش ده بتاع الناس الغلابة، الناس بتاكل من الزبالة، الغلابة كتير، أنا مش مهم، المهم ولادي، أنا عندي 5 عيال”.
بينما تباينت آراء المواطنين حول رفع دعم الوقود بين مؤيد للقرار ومعارض له؛ حيث قال أحد المواطنين: “أنا موافق على هذا التخفيض؛ لأنه لا يعقل أن تكون المياه المعدنية أغلى من لتر البنزين”.
ورفض مواطن آخر القرار قائلًا: “أنا أرفض الموضوع لأنه هيأثر على كل مقومات الحياة، هيرفع أسعار الكهربا والمواد الغذائية وأسعار المواصلات؛ لأن الوقود مرتبط بكل حاجة في حياتنا”.
وقال آخر: “قرار صائب؛ لأن الدعم يجب أن يصل لمستحقيه، ونواكب العصر الاقتصادي اللي احنا فيه، واحنا متأخرين في الأسعار جدًا، احنا أرخص دولة على مستوى العالم في البترول”.
وختتم مواطن آخر “الدعم لا يصل لمستحقيه، أهالي الزمالك ومصر الجديدة بيدفعوا 10 جنيه للغاز في الشهر، والمواطن في الأقاليم بيدفع 30 و40 جنيه في الأنبوبة”.
