تشن قوات الأمن وإدارة المرافق، بمركز ببا ببني سويف، حملات إزالة، على مدار اليومين الماضيين، وسط تكسير المحال وإزالتها، وتحطيم كل شيء على الطريق، وسط غضب وحزن من الأهالي الذين لا يجدون أي مدخل رزق غير هذه المحلات.
تقول سعاد علي، بائعة فاكهة، تجلس أمام كوبري ببا: “مرة بتوع المرافق يمشونا، ومرة بتوع البلدية، ومرة الأمن، أنا عايزة حد يقوللي المكان اللي أنا فيه ده مضايقهم في إيه، أو معارض السيارات في إيه، أنا ست كبيرة وغلبانة وجوزي كبير في السن ومش بيحرك دراعه، ومصدر رزقنا كله الحتة اللي قاعدة ببيع فيها دي، طيب لما يمشونا هنجيب فلوس منين وناكل منين؟”.
وتشاركها الهموم نفسها “أم خالد”، بائعة فاكهة: بتوع البلدية خدوا مني كرتونتين تفاح، وعمود والمظلة اللي بقعد تحتها، وبيودوها المجلس المحلي، ولما بنروح نجيبها بنلاقيها مكسرة”.
طلب البائعون مكانًا آخر؛ حتى لا يتم قطع سبل معيشتهم من قبل المسؤولين، ولكن دون جدوى؛ حيث أكد سيد رمضان، بائع، بقوله: “قلنا لهم اعملولنا سوق أو أي مكان نفرش فيه ونبيع، لكن مش كل يوم ييجوا وياخدوا مننا حاجتنا ويمشوا، هو يعني مفيش غيرنا، ما يروحوا يشوفوا الحرامية الكبار اللي بيسرقوا مليارات سايبنهم وماسكنا احنا”.
