شهد العديد من مراكز محافظة الفيوم وقراها، توافد مدرعات الجيش وسيارات المجالس المحلية المحملة بكراتين مواد غذائية -وهي السيارات المخصصة لجمع الزبالة- علي المجالس المحليه بالقري.
وقال شهود عيان، إن رموز الحزب الوطني المنحل ومجموعة من البلطجية تولوا توزيع هذه الكراتين علي غير المحتاجين دون أن يحصل الفقراء على شئ.
وأثارت المعاملة السيئة من قبل القائمين على توزيع الكراتين، حالة غضب لدى الأهالي، بسبب إستخدام العساكر العصا ضدهم خلال استلام الكراتين الغذائية.
وقالت أم هند، ربة منزل: “قالولنا النهاردة أن الجيش هيوزع كراتين مساعدات للأهالي فيها أكياس تموين وواقفين هنا من الصبح وأما العربيات جت لاقينا ناس بيدوا الكراتين لأهاليهم وفيه بيوت خدت بالخمس كراتين وناس ماخدتش حاجه خالص”.
وأوضح سيد متولي، أن ما حدث “قلة أدب وكرامة و حاجة بيعملوها كدا وخلاص عشان يطلعوا أنهم بيدوا للشعب وجايبين معاهم مصورين وصحفيين وعاوزين يظهروا أنهم بيعطفوا علي الشعب”.
وأضاف “تشوف معاملتهم مع الناس تحس أنهم بيشحتوا منهم مش حقهم اللي الجيش ناهبه”.
