سخر رواد موقع التواصل الاجتماعي فيس بوك من افتتاح فندق لاسعاد واستجمام الكلاب، والمقرر افتتاحه بعد اسبوع، وكانت التعليقات كالتالي:
قال محمد حواس:” استفزاز واضح للغلابة و اللي بيناموا من غير عشا و اللي بيناموا تحت الكباري و اللي بيدوروا في الزبالة علي لقمة تسد جوعهم”.
وقال أحمد سيد:” فعلا مصر بلد شحيبر”.
وسخر ابراهيم محسن قائلا:” يعني اما نحب نتكلم مع السيسي ومحلب نروح ليهم هناك”.
وطالب وليد سعيد بالاستجمام بقوله:” طيب ممكن حضرتك استجم معاهم عادي لاحسن والله العظيم الواحد هيموت بدري”.
وقالت فاتن ماجد: ” علشان يعرف العالم ان اهل مصر مفترين عندهم كل حاجه حتي كلابهم ميستريحين”.
وقال تامر أدهم: ” خدوة اولاد الشوارع تنام فى الفندق واعطوهة الرعايا بتاعت الكلاب”.
بينما قالت مونى محمد:” مش لما يعيشوا الناس اللي مش لاقين حتة يعيشوا فيها في بيوت عدلة”.
وقال سيد مصطفى:” الرجال في السجن و الكلاب طليقة في الفنادق ، إنتظرو لقاء الله”.
وسخرت جيهان احمد: ” من كثره الكلاب عمللهم فندق”.
وكانت احدى سيدات الاعمال تدعى “عزة ايوب” قررت افتتاح فندق، يحوي 15 غرفة تأوي الكلاب فقط، وتعمل في فندقها الذي سيفتتح الأسبوع المقبل على الاهتمام بتدريب الكلاب، فتعمل على تدريب الكلاب في “التشريس” والطاعة، لتؤكد “بعمل ندوة كل فترة في المزرعة للتوعية إزاي الناس تتعامل مع الكلاب وتهتم بيها والإسعافات الأولية لها”.
