تشهد محطات قطارات الإسكندرية الداخلية “خط أبو قير” ظاهرة بدأت في الانتشار في الآونة الأخيرة خاصة مع غياب الأمن، وهي نصب عشش خشبية على الخط السكة الحديد بالقرب من فلنكات القطار التي لا تتجاوز المسافة بينهم الثلاثة أمتار.
بالإضافة إلى ذلك إشغال المساحة الباقية بجوار العشش لتجميع وفرز القمامة، الأمر الذي حول محطات القطار إلى مخازن قمامة وغرف خشبية، علاوة على ذلك الروائح التي تفوح نتيجة تراكم هذه القمامة، خاصة مع بدء ارتفاع درجات الحرارة وقدوم فصل الصيف.
وبالتحدث مع المواطنين حول هذه الظهارة كان ردهم كالتالي:
وقال المواطن حسن بعد السميع: “دي حاجة بقت تقرف أي حد عايز يعمل أي حاجة بيعملها مش مهم صح غلط والأكبر من كده إن مافيش أي رقابة على حد، الحكومة هتفضى لمين ولا مين ربنا ياخدهم”.
دينا مطاوع، ربة منزل قالت: “العيب مش عليهم العيب على الشرطة وهيئة السكة الحديد اللي ولا كأن فيه حاجة بتحصل وعادي إذا ناس تبني أكشاك تعيش فيها على خط سكة حديد وتجيب زبالة علشان تجمعها احنا هنلاقيها من مين ولا من مين”.
وقال عثمان السيد: “الناس دي لو مش خايفة على نفسها تخاف على عيالها اللي بيلعبوا على قضبان السكة الحديد ولا مش خايفين عليهم يرحمونا من القرف ده كفاية الزبالة اللي ملت البلد كمان ع المحطة نروح فين من البلد دي”.
وأضافت شهد إسماعيل: “وإيه يعني البلد عاملة زي البيت اللي مالوش صاحب أي حد بيدخل ويطلع فيها على مزاجه لما يكون في حكومة ورئيس وقتها نبقى نبص لحل للمشاكل البلد دي عايز تتفجر علشان تنضف”.
