دار الجزء الثاني من التسريبات المنشورة منذ قليل لمكتب وزارة الدفاع التابع لقائد الانقلاب عبد الفتاح السيسي، والتي يدور فيها الحوار بين كل من عباس كامل مدير مكتب السيسي وبين العقيد أحمد محمد علي المتحدث السابق باسم وزارة الدفاع، حول محمود سعد ودوره في الخطة الإعلامية للدفاع عن السيسي.
واستطرد عباس في هذا الجزء حول محمود سعد والحوار الذي دار بينهما، وعرض الإعلامي الشهير لخدماته على الانقلاب مقابل أن يرضى عنه الانقلاب، كما تحدث عن التوجيهات الصادرة لبعض الإعلاميين مثل رولا خارسا وعزة مصطفى ومصطفى الحسيني وغيرهم من الإعلاميين.
وفيما يلي نص الحوار
عباس كامل لأحمد علي : عندك رولا وعندك البت بتاعتنا عزة مصطفى
ومحمود سعد مش هنا.. انت عارف.. قولتلك إن محمود سعد كلمني
– عباس كامل لأحمد علي : وبعدين في النهاية نبقى لبسنا العمة ان في حملة مدبرة ضد السيسي
– عباس كامل : محمود سعد قالي يا سيادة اللوا واحشني وأخبارك ايه
وأيه يا جماعة في ايه.. قولت له في إيه.. وقابلت مين
– عباس كامل: قالي أنا عملت إيه ياجماعة ما احنا اتفقنا واتقابلنا وأنا محب ومؤيد.. قلت له يااا محمود احنا مبنزعلش من حاجة
– عباس كامل : قلته عموما شوف الأسبوع الجاي لو تحب نشوفك وكدا ونقعد.. تحت أمرك وكدا
– عباس كامل لأحمد علي : نسيبه دلوقتي ..وماله.. وماله مش هيخسر إن شاء الله لغاية الانتخابات وبعدين يبقى يدينا بالجزمة
– عباس كامل لأحمد علي : اعمل حالة مش لازم في كله النهاردة .. يعني عندك مثلا نائلة عمارة .. النهاردة ..عندك أسامة كمال
– عباس كامل لأحمد علي : كلم رولا.. كلم محمود مسلم .. كلم الواد اسمه ايه .. " الحسيني "
– عباس كامل لأحمد علي : كلم إبراهيم عيسى وقوله الراجل ( السيسي) مستاء جدا وصعبان عليه إن الناس تعمل فيه كدا
– عباس كامل لأحمد علي: المشيرمش عاوز من الناس حاجة.. هوا لو عاوزينه دلوقتي يسحب ترشيحه هيسحب وهيقعد في بيتهم مش عايز حاجة.
– عباس كامل : المشير مش عايز حاجة خالص ولا انتخابات ولا نيلة ولا زفت ولا كلام من ده .. إنما ليه الإهانة وليه التشكيك لييه
