نُشرت منذ قليل تسريبات جديدة لمكتب وزارة الدفاع التابع لقائد الانقلاب عبد الفتاح السيسي، والتي يدور فيها الحوار بين كل من عباس كامل مدير مكتب السيسي وبين العقيد أحمد محمد علي المتحدث السابق باسم وزارة الدفاع.
ويدور التسريب الذي أذاعته قناة "مكملين" مساء اليوم الاثنين، حول طلب مدير مكتب السيسي من العقيد علي حول خوفهم من انتقاد السيسي وإعطاء تعليمات للإعلاميين الانقلابيين للدفاع عن السيسي في وجه حملة انتقاده وتشويهه.
أما عن تاريخ التسريب فهو بعد ترك السيسي لوزارة الدفاع تمهيدا لإستيلائه على كرسي الرئاسة في الانتخابات التي أقامها الانقلاب.
وذكر عباس كامل بعض الإعلاميين الذين سيتم توجيههم لتلميع السيسي ومنهم احمد موسى ووائل الإبراشي وأبراهيم عيسى واماني الخياط وأعلاميي قناة اون تي في.
وجاء في نص الجزء الاول من التسريب:
عباس كامل: ملاحظين ان في حملة ابتدت تشتغل لمحاولة تشويه صورة المشير السيسي
– عباس كامل لأحمد علي: عايزين نوصل للناس هل ده بقى يعجبك كدا يا شعبنا يامصري يعجبك الراجل اللي ضحى علشانك بعمله وكلام من ده
– عباس كامل لأحمد علي: تقولوا الشقة ستة وستة ألف وستة ب وكلام من ده أنتوا عاوزين وزير دفاع يقعد فين ؟!
– عباس كامل : وبعدين تتكلموا على العجلة.. ويطلع صحفي يقول كذا، ويحاول يزج بالقوات المسلحة هوا ده اللي جناه السيسي.. عيب
– عباس كامل لأحمد علي: المشير ده راجل من أول لحظة قالك أنا بحترم كل اللي موجودين.. كل الموجودين
– عباس كامل لأحمد علي : السيسي رجل شجاع متميز حر مصري وطني
ليه مبنحافظش عليها.. انت شايف الكلام .. أنت بتكتب ولا لأ
– عباس كامل لأحمد علي : ازاي تسيبوهم يقعدوا يشككوا فيه ويشككوا في ناس.. الناس المحترمة اللي مشفناش منها الا كل خير
– عباس كامل لأحمد علي : السيسي يعمل ايه وهوا في في الحالة الموقف فيه ده وهو مهدد هوا وولاده وبناته وأحفاده
– عباس كامل لأحمد علي : عاوز الأمور تتناول كدا .. أحمد موسى بقى على وائل الإبراشي على إبراهيم عيسى على… على… على…على..على
– عباس كامل لأحمد علي : والعيال بقى بتوع الأون تي في على أماني على هنا على هنا على بتاع.. تمام
– عباس كامل لأحمد علي : إيه المشكلة يعني.. انتوا متخيلين إن ناس زي دي هتغلط ولا هتزور ولا هتعمل ولا هتسوي
– عباس كامل لأحمد علي : وقول بقى على القصة بتاعة الحملة وإن في لايحة داخلية معمولة للحملة بنتظم كل حاجة
– عباس كامل لأحمد علي : ده مطلق الحرية للشعب المصري.. عاوز يديني.. مش عاوز ميدينيش
– عباس كامل لأحمد علي : عاوزين نعمل حالة كدا يا أحمد ونهيج بيها الناس يعني وهيا بتتقال يهيجوا بيها الناس .. الشعب
