طلت أزمة نقص اسطوانات "البوتوجاز" برأسها من جديد على محافظة كفر الشيخ، إذ لا يكاد يخلو مركز من مراكز المحافظة أو قراها من أزمة طاحنة في أسطوانات الغاز.
ويشتكي أهالي مركز مطوبس، ليس فقط من انقطاع الكهرباء لساعات طويلة متصلة، بل أيضًا النقص الشديد في أسطوانات الغاز، الأمر الذي دفع عدد من الأهالي للعدوة لاستخدام "الأفران الطينية" القديمة التي تستخدم الخشب والقش ومخلفات الحيوانات وقودًا لها.
في قرية منية المرشد، أحد أكبر قرى مركز مطوبس، اشتكى المواطنين من عدم توفر أسطوانات الغاز، وعدم تمكنهم من الحصول على أسطوانات الغاز باستخدام بونات التموين.
الخميس الماضي، اعترض عدد من الشباب سيارة محملة بأسطوانات الغاز بمدخل قرية منية المرشد واستبدلوها ببونات التموين.
ويؤكد محمد عاصي، أحد شباب القرية، أن موظفي المجلس المحلي للقرية يستولون على أسطوانات الغاز أولاً بأول لبيوتهم وأقاربهم، قائلا:"موظفو المجلس بياخدوا الأنابيب بتاعت الأهالي لنفسهم ولقرايبهم وسايبين الناس من غير غاز"
وتابع لـ"رصد"، :"بيعملو كده في العيش وبياخدوا العيش الكويس لأهاليهم وسكتنا لكن الأنابيب كمان، بتروحلهم لحد البيت، في عز ما في أزمة في البلد ومحدش لاقي كل موظف فيهم بيروحله لحد بيته أنبوبة واتنين".
تتفق معه سعدة المنزلاوي، مدرسه بالقرية، والتي تؤكد أن هناك أزمة طاحنة في أسطوانات الغاز تضرب القرية.
وتقول لـ"رصد" :"موزعين الأنابيب مش بيرضو يصرفوا بالبونات، وبيبيعها في السوق السوده بـ35 جنيهًا وبـ50 جنيهًا للأنبوبه"، وأضافت :"احنا خلاص رجعنا للعصر الحجري كل البيوت بنت أفران من الطين وبنشغله بالقش والخشب لحد ما نشوف حل".
وتابع محمد عزال، رجل ستيني العمر،"زمان كانت الستات في البيوت بتستخدم الأفران القش، ودلوقتي رجعنالها تاني".
وأضاف:"محدش بيسمع لشكاوى الناس، وكل يوم المجلس يقول الأزمة هتتحل ومبنشفش جديد".
يختلف معه محمد مرعي، أحد شباب القرية، الذي أرجع أزمة نقص أسطوانات الغاز لسوء حالة الطقس رافضًا التعويل على الحكومة في الأزمة، قائلا :"ده من سوء الطقس مش أكتر والله هتعدي زي اللي فاتت، وعلى فكره دي ملهاش دعوه بالحكومة حصلت في عهد أي رئيس مش كل حاجه ندخلها في السياسة".
يبرر أشرف محمد، توقيف شباب القرية لسيارة أسطوانات الغاز، قائلا:"أهل البلد مغلطوش لأن معندهمش غاز عشان يعملوا الأكل وفي نفس الوقت الغاز بيعدي علينا في عربيات وتكاتك ومتوسيكلات وهما قاعدين على الجسر".
