جالسون في مواقف السيارات ووسط الشوارع تراهم صباحًا يرفع كل منهم أدواته على كتفه يأكلون الفول يحتسون الشاي ينتظرون الرزق كما الطير.
عمال " الفواعلية " يستيقظون يوميا قبل صلاة الفجر ليتنشروا في الشوارع سعيًا للرزق ، تجدهم في الشوارع الرئيسية في تمامًا الساعة ٦ صباحًا مهما كانت درجة الحرارة ينتظرون في أماكنهم يوميًا إلى الساعة ٤ عصرًا وفي أكثر الأيام يعودون إلى منازلهم بدون عمل".
يقول "عم حسن" من الفيوم "عندي ٤٠ سنة وعندي ٥ عيال ١٥ سنة هنا مش بشوفهم غير كل شهرين مرة وف الشهرين دول يوم بشتغل و١٠ لا يعني ممكن بشتغل بس ٣ أو ٤ مرات بـ٧٠ جنية المرة الواحدة أو بـ100".
" محمد وحسين " رفقاء مصطبة الشاي في عز السقعة ودي بتيجي كل فين وفين وبالرغم إننا احنا الاثنين معانا دبلوم صنايع بس بننزل كل يوم بعد الفجر على طول وممكن قبله بناخد العدة وننزل نستنى لحد ماحد يجي وممكن ميجيش ، دخل في النص عم أشرف ضاحكًا البلد ميتة والحال ميت والظروف زفت كلنا بنعاني ف البلد مفيش فلوس مفيش أكل حتى العيش بنأخده ب ٣ جنيه بعد ماكنا بنأخده بنص جنيه والحجة معندناش بطايق سايبني العيال هناك ف البلد ومترمطين ومفيش حد بيحس بينا وف النهاية الإعلام يجي يصورونا ويقول " المتسولين " أهم.
