غرقت شوارع مساكن طلعت مصطفى بالهانوفيل غرب الإسكندرية بمياه الصرف الصحي، وسط تذمر شديد من الأهالي من هذه المياه التى غمرت الشوارع كلها، وحالت بينهم وبين الخروج من منازلهم.
وعند سؤال المواطنين عن هذه المشكلة، قال أحمد حسن، "احنا والله تعبنا مش عارفين ننزل نشترى أى حاجة ولا نروح أشغالنا"، وقالت منال عبد الرحمن: "أنا دلوقتى لسة راجعه من الشغل هدخل البيت ازاى والشوارع كلها غرقانه فين الحكومة هنبات فى الشارع؟".
وعلق محمد رمضان متهكما:"غُلُب حالنا مع حكومة السيسي اللى مطلعة عنينا ده، وأنا بطالبها أنها توفرلنا مراكب عشان نقدر ندخل البيوت ونطلع منها "، وقال حسن مصطفى: "أنا مش عارف اعمل ايه، وكان لازم أنزل من البيت، ودخلت فى الميه وهدومي اتبهدلت، دى مش أول مرة تحصل حاجة زى كده،ومفيش حد بيسأل فينا، الحكومة مش فالحة غير إنها تجري ورا اللى بيدوروا على حقهم، لكن تحل مشاكل لأ".
