وجه عضو مجلس نواب السيسي سعيد حساسين رسالة إلى “إسرائيل”، خلال تعليقه على إسقاط عضوية النائب توفيق عكاشة، قائلا “إحنا فيه بينا وبينكم معاهدة سلام، القيادة السياسية محافظة عليها، احنا كشعب لنا رأي تاني احنا نحبكم أو نكرهكم”.
وأضاف خلال برنامجه “انفراد” المذاع على قناة “العاصمة”: “ما تتطاولوش على الشعب المصري، علشان اللي هايتطاول هانشيله من على الأرض شيل”، واستكمل: “فأرجوكم احنا بنقولكم في بينا وبينكم معاهدة سلام نجلها ونحترمها علشان دي اتفاقيات دولية واحنا موقعين عليها، إنما إنك تفرض علينا كشعب نحبك لا يا عم احنا مش هانحبك”.
وتابع: “أنا بقول أهو يا إسرائيل احنا عمرنا ما هانحبكم، وبقولكم أهو سعيد حساسين ضد التطبيع، وكل شعب مصر ضد التطبيع، ها تقولولنا في اتفاقية فتحيا اتفاقية كامب ديفيد، موافقين وماشيين”، وواصل: “الاتفاقية دي شغل دول مع بعضها ليس لنا علاقة بيها ولا نتدخل فيها، إنما حضراتكم تتطاولوا على الشعب المصري لن نقبل، الشعب دا بتاع 73 ولا انتوا ناسيين”.
واختتم قائلا: “فأرجوكم اللي حصل قصة انتهت وملف اتقفل عضو في البرلمان أعضاؤه شافوا عمل غلط وأخد عقابه ولا الضالين آمين نقفل صفحة إسرائيل علشان مش عايزين وجع قلب”.
وافق مجلس نواب السيسي يوم الأربعاء الماضي، على إسقاط عضوية توفيق عكاشة، عضو المجلس، في جلسة عامة بعدما تقدم عشرات الأعضاء بطلبات لإسقاط عضوية النائب.
