سخر الباحث السياسي، علاء بيومي، مما آل إليه حال البلاد في عهد العسكر؛ من استمرار الانفجارات وخفض الدعم، موجهًا رسالة إلى من دعموا 30 يونيو، بقوله: “عزيزي المواطن الغلبان: اشرب”.
وقال -عبر منشور له على “فيس بوك”-: “الانفجارات في سيناء مستمرة منذ عدة أسابيع على الأقل بشكل يومي، وأسوأ من في مصر يحكمها في السياسة والإعلام والاقتصاد وحتى البرلمان”.
وأضاف “الدعم تم تخفيضه مرات على الكهرباء والبنزين، والقروض والمساعدات في تراجع كبير، وإن شاء الله سعر الكهرباء والمياه يزيد بنسب مضاعفة علشان سيادة المواطن الغلبان يحس على دمه ويعرف الكارثة اللي جلبها على نفسه في 30 يونيو”.
وتابع “بيومي”: “علشان يحس على دمه ويشوف الجيش اللي حيظبط البلد والناس اللي عايزة استقرار، ياريت بقه يشبع استقرار والسيسي وضباط البوليس يشبعوه أدب وتربية، لأن البلد مش هتتغير إلا لما سيادة المواطن الغلبان يشبع أزمات اقتصادية وميلاقيش ياكل أكتر ويشبع ضرب وبهدلة من أمناء الشرطة”.
وأردف: “لازم سيادة المواطن الغلبان ينزل هو الشوارع ويورينا نفسه ويشوف حيطور البلد ازاي بعيد عن بتوع الثورة والديمقراطية، المفروض إن المواطن الغلبان ياكل تراب لغاية ما يفهم إن الجيش وقياداته ركن أساسي من النظام القديم بكل مشاكله من عدم كفاءة وانحياز ضد المواطن الغلبان ودولة الامتيازات”.
واختتم منشوره: “لازم الناس تشوف الشرطة اللي بتحقق الاستقرار والقضاء النزيه وأبهى عصور ديمقراطية الفساد والاستبداد وقلة القيمة والكرامة.. عزيزي المواطن الغلبان: اشرب“.
