واصل الباعة الجائلون، بمدينة السادات بمحافظة المنوفية، الإضراب عن الطعام، لليوم الرابع على التوالي؛ احتجاجًا على طردهم وإزالة أماكنهم دون توفير مكان بديل لهم.
وتدهورت الحالة الصحية لإحدى البائعات المضربات عن الطعام، وسط غضب واستياء من باقي الباعة المضربين عن الطعام، مؤكدين استمرار إضرابهم عن الطعام حتى تحقيق مطالبهم وتوفير أماكن لهم بسوق الخضار كما وعدت الحكومة.
يقول أبو محمد: “احنا عايشين زي الحرامية مطاردين وكل شوية شرطة الإزالة تيجي تشيل الفرش بتاعنا وتخرب بيتنا وطالبنا الجهاز والحكومة بتوفير أماكن لينا زي باقي الباعة ومحدش سأل فينا.. طب نسرق ولا نموت من الجوع”.
وأضافت أم عمرو “البلد مبقاش فيها عدل ومش عارفين نعيش ومش ملاحقين على غلاء الأسعار والناس اللي مش بتشتري والبضاعة اللي بيترمي نصها ولا على الجهاز اللي كل شوية يجري ورانا ويبهدلنا الحاجة ولما نطالب بحقوقنا يوعدونا ومبيعملوش أي حاجة”.
يذكر أن الإضراب دخل يومه الرابع وسط تجاهل تام من المسؤولين وإصرار من الباعة على استكمال الإضراب حتى تحقيق مطالبهم، بتوفير أماكن لهم داخل سوق الخضار.
.jpg)
