سقط صباح اليوم أحد المواطنين من مؤخرة القطار القادم من المنوفية إلى القاهرة بعد تحركه من محطة قليوب بسبب تكدس القطار مما تسبب في إصابته إصابات بالغة.
وتتكررت حالات السقوط من حافة القطار حيث يلجأ الركاب إلى استقلال مؤخرة القطار وأعلاه وعلى أطراف الأبواب بسبب الزحام اليومي لقلة عدد العربات.
ويواجه المواطنون مشكلة رفع أسعار التذاكر منذ بداية الأسبوع الحالي بحجة تحسين الخدمة بينما لا يجدون ما يدل على أي تغير في الخدمات.
يقول عادل السيد: “القطر هو الوسيلة التي لم نجد سواها بسبب غلاء أسعار المواصلات مع إنهم غلوا التذكرة ورغم إننا بنعاني لكن هانعمل إيه ومفيش حد بيحس بينا من المسؤولين اللي بيهتموا بالخطوط اللي بتجيب لهم إيراد”.
وأكدت سامية أحمد: “احنا مش بنعرف نقف في الزحمة وفي وسط الرجال ولو فيه واحد ابن حلال ممكن بيقعدنا مكانه أو بنقف وسط الكراسي بين أقدام الجالسين تفاديا للتحرش والدفع من اللي نازل، واللي واقف بيدفع زي اللي قاعد، وغلوا التذكرة كمان ومش شايفين أي تحسين في الخدمة”.
