تشهد مدينة المطرية بمحافظة الدقهلية، هذه الأيام، إهمالًا كبيرًا من قبل المجلس المحلي بالمدينة؛ وذلك بعد تكدس القمامة بحي الزهور، ما دفع الأهالي للشكوى لمجلس المدينة ولكن دون جدوى.
يقول أحمد السعيد: “والله العظيم انا جبت أخري من الحكومة والمجلس ده الناس الموجودين فيه كلهم حرامية ومرتشين وللأسف مش عاوزين يشتغلوا.. حرام لما اروح اشتكيهم ومحدش يعبرني حسبي الله ونعم الوكيل”.
ويضيف باسم السيد “يرضي مين الكلام ده معظم ساكني الحي مصابين بالأمراض احنا بنطلب حق من حقوقنا مش بنطلب حاجة مستحيلة.. احنا صحيح مش فاضيين نشيل الزبالة إنما نقبض على الناس المحترمة بتهمة الإرهاب ده اللي فالحين فيه”.
وتسخر أم أحمد: “يعني انا دلوقتي بدل ما اودي بنتي الحضانة عشان تتعلم تجيلي تعبانة واوديها للدكتور عشان مسؤولين نايمين في العسل.. على فين يا مصر!”.
ويقول السيد عماد: “أنا مش قادر اقعد في الحارة دي من الرائحة الكريهة دي بقينا عايشين في بيئة لا تصلح للعيش الآدمي، لا حول ولا قوة إلا بالله”.
