تشهد محافظات مصر في الفترة الحالية ارتفاعا غير مسبوق في درجات الحرارة التي لا يمكن التغلب عليها إلا باستخدام المراوح والمكيفات، وهو ما لا يقدر عليه أهالي محافظة بني سويف، بسبب انقطاع الكهرباء معظم أوقات النهار.
ووصلت درجات الحرارة إلى 45 درجة مئوية في القاهرة، ومتخطية 47 درجة في محافظات صعيد مصر، والتي تعتبر بني سويف إحداها، ليتسبب ذلك في معاناة الأهالي خاصة مع انقطاع الكهرباء نهاراً والذي يستمر لنحو 6 ساعات في بعض المناطق.
كما يتسبب انقطاع الكهرباء في مشاكل مالية لدى الأهالي وخاصة أصحاب محلات اللحوم المجمدة، حيث يتسبب في تلف المواد الغذائية المجمدة، كما يؤدي الانقطاع المتكرر والمستمر للكهرباء لتلف الأجهزة الكهربائية في المنازل.
وعبر الأهالي عن مدى غضبهم الشديد من انقطاع الكهرباء، فيقول صلاح عماد: “الأجهزة الكهربية باظت من كتر قطع الكهرباء، ولما بتيجي بتكون ضعيفة فالأجهزة تبوظ.. حرام بجد كده”، وأضاف مينا جرجس: “الجو حر، وده بتاع ربنا مش هنقدر نقول حاجة.. لكن انقطاع الكهرباء وخراب الأجهزة بتاعتنا ده اللي مش قادرين نستحمله”.
كما قالت منى أحمد، معبرة عن مدى سخطها من الحكومة قائلة: “الجو بره نار، ولو خرجنا مش كفاية أصلا مافيش مكان في بني سويف ينفع نخرج فيه بسبب إنها مهملة من الحكومات دايما، وإحنا كمان لو قعدنا في البيت بتكون الكهرباء قاطعة ومافيش مراوح ولا مكيفات شغالة.. إحنا تعبنا”.
