يعاني أكثر من 8 آلاف شخص من أهالي قريتي قفطان الشرقية ومصطفى أغا، التابعتين لمركز سمصطا بمحافظة بني سويف، من انقطاع مياه الشرب منذ أكثر من شهر.
وقال الأهالي إنهم يلجؤون لمياه الترع لاستخدامها بدلا من المياه الطبيعية، وهو ما يهدد صحتهم بالأمراض الكثيرة، مطالبين بسرعة إصلاح أعطال المياه لتعود لمنازلهم مرة أخرى.
وفي حوار لشبكة “رصد” مع الأهالي المتضررين، قال سيد خليل: “بقالنا أكتر من شهر مفيش مياه جات عندنا خالص في البيت حتى بنجيب كل اللي بنحتاجه من الترعة، وهي أصلا كلها أمراض وبلهارسيا وشكينا للمجلس المحلي ومحدش بيبصلنا”.
وأضاف خالد محمود: “الدنيا كانت واقفة هنا بعد المياه ما قطعت وحصل مشاكل كتير، لأن الأهالي مش وقفت ساكتة جمعنا 6 آلاف جنيه علشان نشتري مواسير وكده عشان يوصلنا المياه، لكن فيه حد رفض يدفع وحصل خناقات كبيرة بينهم”.
كما قال محمد ناصر، شاكياً تقصير المسؤولين في حقهم: “مافيش حد المسؤولين بيبصلنا إحنا بنطالب محافظ بني سويف إنه يمد خطوط المياه بالعزبتين دول ويربطهم ببعض عشان نعرف نمشي من الطريق”، بينما قالت أم سعاد، مستنكرة غياب دور المجلس المحلي: “هو فين المجلس المحلي أصلا بييجوا يوم واحد من كل أسبوع بسيارة محملة مياه للناس وباقي الأسبوع ولا بنعرفه ولا هو يعرفنا”.
