سخر الإعلامي سيد أبو حفيظة ، من غرق صندل فوسفات في مياه النيل، وما تردد حول تسمم مياه الشرب في الشرقية، نتج عنها إصابة 1500 مواطن ، بتقليد أغنية “الأيام الحلوة” للمطرب إيهاب توفيق.
وبدل “أبو حفيظة” خلال برنامجه “أسعد الله مساءكم” المُذاع على قناة “إم بي سي مصر”، كلمات الأغنية بـ”الفوسفات في الميه أه يا حوستي ياني مش هشربها تاني طعم المية أتغير والموضوع ده يغير، حتى الشمعة بتاعت الفلتر كل يوميين بتتغير، ودي حاجة بتتكرر وانا من يومها مقرر هنزل أجيب 30 كرتونة حجم صغير، حتى الشاى مش هشربه بق المية بقيت أحسبه وبلاش مية من الحنفية وكفاية فينا يجربوا، ده الفوسفات فيها دايب”.
واستكملت كلمات الاغنية، ” 100 مسؤول بيألفوا ميه نظيفة وبيحلفوا ونموت أحنا وتطلع روحنا وساعة الجد بيختفوا، الشعب بيستعبط وسليم وبيتصلبط، ده المسؤول طالع بيقول الأسماك بتبلبط، وأدي حكومتنا يا خراب بيتنا هتموتنا انت وانا”.
