سادت حالة من الاستياء بين ركاب ترام محطة الرمل بمحافظة الإسكندرية، بعد دفع هيئة النقل العام بالمحافظة، بعدة عربات يطلقون عليها "مميزة"، تم تزويدها بستائر ونوافذ تفتح بطريقة أفقية بدلًا من الرأسية، وفي المقابل رفعت قيمة التذكرة إلى مئة قرش.
وكانت هيئة النقل العام بالإسكندرية، رفعت قيمة تذكرة ترام الرمل منذ ما يقرب من شهرين من 25 قرشًا إلى 50 قرشًا.
وتساءل المواطنون عن الإضافات والامتيازات التي شهدتها الترام، حتى يتم رفع سعرالتذكرة للضعف، في مدة تقل عن ثلاثة أشهر.
وقال عثمان أحمد: "حكومة حرامية مش عارفة تسرق إزاي؟ اإه الجديد أو الإضافة اللي رجعت عليا أنا كمواطن لما يحط ستارة بكره تتقطع ويغير فتح الشباك اللي بكره هيتكسر؟".
وأضافت سناء محمد: "ماهو لو كان فيه ناس تقف وقفة رجالة ومتركبش الترام ده، وخليهم يغلوها زي ما هما عايزين إن شاء الله توصل 100 جنيه، وقتها هيعرفوا إن الله حق، لكن الناس بتركب ومحدش دلوقتي بيفتح بقه، أيام مرسي حبوا يغلوها من 25 قرش إلى 50 قرش الناس كانت هتاكلهم".
وتابعت أسماء رجب: "أنا عن نفسي خلاص مش هركب الترام، ليه اركب الترام بجنيه، ويوصلني في ساعة ونص طالما ممكن أركب مشروع وأدفع نص جنيه زيادة، وأوصل في نص المدة، خليها للعمال تركبها ولا الحكومة".
من جانبه، قال أحمد أبوشنب، وهو عامل بالهيئة: "من الآخر الهيئة مش عارفة تسرق إزاي، قامت مدخلة كام عربية أخدوا وش بوية، واتعملهم كراسي وستاير، واتركب لهم إزاز وخلاص، لكن الفلوس اللي بتطلع من تمن التذاكر مش بيجيبوا بيها قطع غيار أوعربيات جديدة من برة لإن الهئية بتخسر".
