أعرب الكاتب الصحفي تامر أبو عرب عن إندهاشه من الاتهامات الموجهة للدكتور محمد على بشر القيادي بالتحالف الوطني لدعم الشرعية ،ووزير التنمية المحلية بحكومة الدكتور هشام قنديل.
وكتب في تدوينة له عبر صفحته على موقع التواصل الاجتماعي"فيس بوك":"مش مستغرب خالص خبر القبض علي محمد علي بشر، اللي مستغرب منه فعلا أن سبب القبض عليه ان فيه 15 بلاغ متقدم ضده من القوى السياسية بالمنوفية بتتهمه بالتحريض علي العنف والإرهاب".
وتابع قائلاً:" وبحكم اقترابي من الملف ده في الفترة من 2005 ل2008 وحضوري اجتماعات تنسيقية كتير للقوى السياسية في المنوفية عارف إن كل القوى السياسية دي عارفة إن دكتور بشر من أنضف وأنقى وأودع الناس اللي ممكن تتعامل معاها في حياتك، وعارف إن القوى السياسية دي كان بينها وبين بشر عيش وملح بحكم إن المجتمع في المنوفية مش مفتوح زي القاهرة والمشاركين في النشاط السياسي هناك قبل الثورة كان عدد محدود للغاية والروابط بينهم شبه أسرية".
وأضاف قائلاً:" وعارف إن القوى السياسية دي كانت بتطلع بيانات تطالب فيها بالإفراج عن بشر لما كان محكوم عليه عسكريا أيام مبارك وبتقول إن التهم متلفقة.
مش مصدق إن السياسة ممكن توصلك لإنك تشهد زور وتتهم حد بتهمة إنت أكتر واحد إنها مش حقيقية".
واختتم تدوينته قائلاً:" عن نفسي اختلفت كتير مع بشر لما كان محافظ ووزير لكن علشان تقنعني إنه إرهابي وبيحرض علي العنف لازم تقنعني الأول إن الشمس بتشرق من المغرب".
