أثارت تصريحات وزير الإسكان برفع الدعم تدريجيًا عن المياه غضب المواطنين علي موقع التواصل الاجتماعي "فيس بوك"، حيث قال الدكتور مصطفي مدبولي، وزير الإسكان، إنه في اتجاه لرفع الدعم تدريجياً عن المياه لأن سعر المتر المكعب يكلّف الدولة 1.5 جنيه بينما يتم بيعه للجمهور بـ 70 قرش مطالباً المواطن المصري بتفهم الأمور الحالية وزيادة دعمه للوطن.
وأضاف مدبولي خلال إتصال هاتفي لفضائية "أون تي في"، الثلاثاء، ان شبكات المياه تغطي 97% من الجمهورية مصر العربيه ورغم ذلك هناك مشكلة فى المياه بسبب سوء استهلاك وسوء التوزيع فهناك أماكن بها وفر فى المياه وأماكن اخرى تشح فيها المياه .
وأكد أن شبكات المياه تحتاج إلى صيانة لم تتم بسبب عدم توفر أموال نتيجة الظروف الاقتصادية السيئة التي تمر بها البلاد وضعف الاقتصاد وانعدام الاستثمارات.
وشهد موقع فيس بوك موجة من التعليقات الغاضبة من زيادة أسعار المياه، حيث كتب الناشط عبد الرحمن عكيلة "أمال لو ما عندناش نهر النيل هيعملوا فينا إيه ؟ فاكرين فيلم صرخة نملة ؟ فانتازيا تتحول لواقع، وتابع: "احنا النمل فين السكر".
وأضاف "دا انا بقالي سنين في القاهرة بشرب مياه معبأة… يعني فشلوا حتى في تقديم مياه نظيفة للمواطنين وبيتبجحوا وعايزين ياخدوا فلوس أكتر.
وتساءل محمد علي "هو فين مستوي الدخل اللى يخلي الناس تدفع دا كله، طبقا للكلام دا يبدوا فعلا إن مشروع قانون تركيب العدادات علي المياة الجوفية هيطبق قريبا، يعني اللى يتولد في البلد دي يا أما يندفن يا أما ينتحر لما يكبر
وقال سامح عز "وهيوزعو الهواء في أكياس بعد كده ويبقى الهواء الصيني والمصري وخلافه حسبنا الله وكفى "اشرب ياشعب حتى الشرب كمان مش هتلاقيه".
وسخر حسام محمد من مؤيدي السيسي قائلًا "و دي برضوا بشره خير، ياعم طالما الناس راضيه ومبتكلمش ارفع ولا يهمك يا رب يشحتوا ايه المشكلة.
وأضاف علي إبراهيم: "كل واحد فوض السيسي واداله صوته يقوم يشغل تسلم الايادي وبشرة خير ويهز هزتين كده يمكن يندم انه عمل كده، وحسبي الله ونعم الوكيل في كل واحد فوض السيسي واداله صوته، بلاش اداله صوته عشان هو اصلا واخدها تزوير، مش مشكلة العبيد موافقين حتي لو رفعت ملابسهم".
