تواصلت مشكلة انقطاع التيار الكهربائي بمحافظة "أسيوط"، مركز "القوصية"، لفترات طويلة ومتفاوتة على مدار اليوم، تصل إلى 6 مرات، ساعة ونصف أو ساعتين للمرة الواحدة، ما أثار غضب الأهالي وتوقف سير عملهم.
وقال "محمد عبدالمنعم – موظف": "الكهرباء بتقطع فى أثناء شغلي مش بقدر أكمل شغلي، ولما أروح أستريح الجو حر، ومفيش كهرباء دى مش عيشة، وفى الآخر فاتورة الكهرباء بتكون مرتفعة"، مضيفًا: " فى رئيس إتعزل وجه غيره، وحكومة اتغيرت وجت غيرها، مع ذلك الوضع أسوأ من الأول، وأنا بطالب زى ما الحكومة بتاخد حقها مني، تدينى حقي بتوفير التيار الكهربائي".
ويقول "علاء كمال – صاحب سوبر ماركت": "لما الكهرباء تقطع تتسبب فى خسائر كثير للبضائع الموجودة بالثلاجات والخسائر كثيرة ومحدش حاسس بينا".
فى نفس السياق، قال "فادى سعيد – تاجر": "يعنى لما الكهرباء تقطع كل يوم 8 ساعات، هشتغل إزاي، وأنا شغلى كله على الكهرباء"، مضيفًا: "اتصلت على شبكة الكهرباء بالقوصية بقوله احنا فى منطقه غرب البلد النور قطع 6 ساعات متواصلة، وفى مناطق عمرو وشرق مش بيقطع غير نصف ساعة"، رد عليا موظف الشركة بالنص "اخبطوا دماغكم فى الحيطة" .
من ناحية أخرى قالت الدكتورة "ح.أحمد": "انقطاع الكهرباء وتوقف جهاز الإشاعات تسبب في مضاعفات لدى المرضى، الذين يعانون من أمراض مفاجأة لعدم التعرف على نوع المرض" .
كما شهدت حاله غضب بين شريحة العمال بسبب توقف عملهم ، حيث قال "محمود سيد – عامل سيراميك وسباكة": "شغلي كله على معدات بالكهرباء لما بتقطع الكهرباء بيتوقف عملي، وذهبت لعملي صبح، النور قطع قبل الظهر واستمر ساعتين، هعمل إيه تركت العمل وذهبت إلى المنزل وتوفف شغلى بسبب الكهرباء" .