تضمن تسجيل صوتي حصلت عليه شبكة "رصد" الإخبارية للمرشح الرئاسي السابق الفريق أحمد شفيق يهاجم فيه الجيش بسبب موافقته على ترشيح المشير عبد الفتاح السيسي للانتخابات الرئاسية.
وأبدى شفيق استياءه البالغ من موافقة الجيش علي ترشيح السيسي حيث أكد على خروجه من العملية الانتخابية التي وصفها بـ"المهزلة".
كما تضمن التسجيل الصوتي أيضا وجود خلافات حادة بين قادة الانقلاب العسكري، حيث ظهر غضب شفيق من موافقة الجيش لترشح السيسي، قائلا أن الجيش سوف يتولى عملية التلاعب في نتائج الانتخابات الرئاسية لصالح السيسي، وأنها محسومة سلفا، مؤكدا أن: "الدولة "تشتغل لحسابه" على حد تعبيره.
ومن ناحية أخرى، رفض شفيق فكرة الترشح للانتخابات الرئاسية في حال ترشيح السيسي نفسه، مؤكدا رفضه الترشح لكي يحصل على 10% فقط، ووصف تصرف الجيش "بقلة الخبرة".
كما أبدى استياءه من طلب السيسي علنا دعم الجيش، فيدعمه الجيش، ثم يعقد اجتماعا إعلاميا للجيش للإعلان عن دعمه، واصفا هذا التصرف بالمهزلة.
ولم ينس شفيق النخبة المصرية المستفيدة، حيث شد عليها وذكر بالإسم كل من الإعلامي مصطفى بكري والقاضية تهاني الجبالي مؤكدا أن همهم الوحيد هو التكسب، وأن ما يحدث في مصر حاليا "مسخرة" على حد تعبيره.
يذكر أن شفيق فر إلى دولة الإمارات العربية المتحدة بعد هزيمته في الانتخابات الرئاسية أمام الرئيس محمد مرسي وذلك بسبب العديد من قضايا الفساد التي كان متورطا فيها، ولم يجرؤ على تقديم أي إثبات ضدها.
ويقول محللون إن موقف شفيق يعبر عن موقف الإمارات التي يعتقد أنها تعارض ترشيح السيسي للإنتخابات.
وهذا نص التسجيل الصوتي:
“آه ياني أحسن .. وأما الساحة تفضى ليه .. إيه أحس.. مش أحسن يعني منظر سيء آه منظر ليس له سابقة يعني يعني جهل غريب جدا. هوه نفسه وقف قبليها في مؤتمر كده قال أنا مش حترشح غير لو الشعب رشحني والجيش رشحني..
برضه كلام غريب جدا يعني يعني كلام صادر منه هو من الأول غلط.. يعني فيه حاجة اسمها الجيش.. يعني ما ..يعني جهل غريب بالأمر شويه.. الجيش يرشحني وبعدين يطلع الجيش يرشحه ويعملوا اجتماع يطلع في الصورعشان يرشحوه قلة خبرة غريبة جدا الحقيقية.
مصيبة كمان قال المجلس العسكري ده شيء يعني مش عارف يعني … أنا بنفسي طلعت نفسي من الدايرة دي لأنها حتبقى مهزلة شوية.”
Clip 2
نص التسجيل:
لأ طبعا انسحابهم هوه مش كلهم على كل حال. طبعا انسحابهم مرهون بترشيح السيسي.. أنا قلت إيه لو نزل انتخابات مش حانزل. مش مجرد ترشيحه.. يعني أول ما يترشح.. أنا حاعمل الورق بتاعي وحيبقى مرهون.. إذا هوه حينزل.. لأني أعلم إنه هوه حيوضبوله كل الصناديق.. حيوضبوله الدنيا.. عملية عملية حتبقى هزلية.. وهيه من الأول خالص من الأول ما الجيش أعلن ترشحيه مكنش يعني.. أنا أعتقد إنه يمكن لو جاله ضغط يعني يخلي.. يعني يلفت نظر العالم لـ.. إنه هو الواحد ما يترشحش مش محبه فيه.. لأ لأنه الميكانيزم مش حيمشي سليم.
إيه أواجه إيه.. اللي هيه لو معركة حواجه ..إيه العبط اللي بيقولوا ده.. إيه الناس السطحية دي.. حاجة الدولة حتشتغل لحسابه.. الدولة حتشتغل لحسابه. إيه المواجهة؟ المواجهة إنه أنا الشطارة إنه أخش وأجيب 10% وأطلع؟ الشطارة أخش وأجيب 8% وأطلع؟ إيه الشطارة في كده بقى؟ إذا كنت أنا عارف إيه اللي حيطلع.. إذا كانت مواجهتي ححتعمل نتيجة ماشي لكن العملية ملعوب فيها ملعوب فيها كلها يبقى إيه بقى!.. لا يعني طبعا. إيه الرجولة اللي فيها يعني؟ هيه دي "فير فايت"؟ هل هيه يعني معركة شريفة؟
Clip 3
نص التسجيل:
أما بكري.. مصطفى بكرى يقول كده..حنشيل بكرسيه ونحطه على الكرسي.. قالك كده اللي حيغلب حيغلب وأدي احنا ناخد نستفيد حاجه جمبه كده مش … وتهاني الجبالي مثال للتكسب.. وهكذا.. وهكذا … مسخرة.. الأيام الجاية فيها لسها كتير.. وأدي المستويات بتاع الوزرة والوزارة اللي بيديروا مصر
تابعونا المزيد عبر موقع #تسريبات_رصد : http://leaks.rassd.com/
أو صفحة رصد على فيس بوك:
أو موقعنا الإلكتروني:
أو حساب رصد على تويتر:
أو قناة رصد على يوتيوب:
