أوضح أحمد نجيب الناشط السياسي اليوم الخميس متى يحاكم المواطن المصري عسكريا في التعديلات الاخيرة التى أقرتها لجنة الخميسن على دستور 2012 .
و قال نجيب عبر صفحته الشخصية على موقع التواصل الاجتماعي "فيس بوك" : "لو انت رايح تمون عربيتك بنزين من محطة و طنية اللى اصلا مديره ضابط جيش تحصل اى مشكلة زى اى بنزينه عادية تلاقى نفسك بتتحاكم عسكريا".
و تابع :" تشترى جرار زراعى من شركة حلوان للمحركات اللى هى مصنع99 الحربى يعطل الجرار لاى سبب تروح لمركز الخدمة اللى مديره ضابط جيش لاى سبب يقولك اى حاجة تستفزك مثلا انت حمار ازى تشغله كده تروح تتمه تلاقى نفسك تحاكم عسكريا".
و أضاف : " معك محجر زلط مؤجر من جهاز الخدمة الوطنية التابع للقوات المسلحة واللى بيحط ضباط وعساكر على بوابة المحجر للجرد تحصل مشكلة زى محجر تابع للمحافظة تلاقى نفسك لابس قضية عسكرية".
و استطرد " تروح تشترى خضار من او فراخ من اى شركة تتبع جهاز الخدمة الوطنية تحصل برضوا نفس المشكلة البسيطة تلاقى نفسك لابس قضية عسكرية و تمشى فى الشارع عربيتك تصتدم بعربية اخرى ينزل واحد تزعق له تقوله ما تفتح يا انت مش شايف يطلع الاخ ضباط جيش وكان فى مهمة وطنية سريه تلاقى نفسك لابس قضية مع ضابط كان فى مهمة وطنية مثلا".
و أكد نجيب مستنكرا أن هذه أمثلة بسيطة طبقا للمادة 174 فى الدستور الثورى بتاع محمود بدر – محمد عبدالعزيز – عبدالجليل مصطفى – عمرو الشوبكى – جابر جاد نصار – محمد عبله – احمد عيد – كمال واخرين .
