علق مصطفى مدبولي رئيس مجلس الوزراء، على وقف خطة تخفيف الأحمال اليوم مؤكدا انه تجربة واقعية لمعرفة ما تحتاجه الحكومة من وقود لوقف تخفيف الأحمال.
وقال، خلال تصريحات له في مؤتمر صحفي، عقب عقد أول اجتماع لمجلس الوزراء بعد تشكيله الجديد، إنه «لو وقفت خطة قطع الكهرباء تدريجيا، أكون محتاج قد إيه.. وطلبت وقلت خلينا نجرب نشوف أقصى حمل في يوم عادي زي ده، هيبقى الاحتياج قد إيه وقود، يعني احنا بنعمل تجربة على الأرض».
وأضاف: «بدأت التجربة النهاردة، ولكن مش معنى كده إننا وقفنا من النهاردة، بحيث لما نطلع من الأسبوع الثالث ونقول مفيش تخفيف أحمال نبقى مطمئنين إننا مش هندخل في مشكلة جديدة».
وفي سياق متصل قال مدبولي: «لا يوجد تغيير لمسار الحكومة مع تغيير الأشخاص لكن فقط يتم تغيير التكتيك، والدولة لديها نهج معين خاصة في التعليم والصحة ونعمل فقط التنفيذ على الأرض».
وأضاف مدبولي: لتر السولار يكلف الدولة 20 جنيها ولكنه يباع بـ 10 فقط، ولا سبيل لدينا لإصلاح المنظومة المالية سوى بتحريك أسعار بعض الخدمات.
