أعلن عبدالفتاح السيسي، اليوم الأربعاء، وصول جزء من أموال صفقة رأس الحكمة إلى البنك المركزي المصري، مشيرا إلى وصول جزء آخر بحلول الجمعة المقبلة.
وأضاف السيسي خلال احتفالية «قادرون باختلاف»: «إعلان صفقة رأس الحكمة كان واضح وشفاف، وإحنا واضحين وشفافين معاكم في طرح الموضوع، مبنخبيش حاجة ولا نخدعكم ونقول كلام مش دقيق، وأعلنا الإجراءات والمساحة والخطوات اللي هتتعمل».
وتابع: «فلوس رأس الحكمة وصلت امبارح، وجزء منها دخل البنك المركزي، وجزء مثله سيدخل الجمعة المقبلة، وده من فضل ربنا، وهنا لازم أوجه الشكر لأشقائنا في الإمارات وعلى رأسهم فخامة رئيس الدولة الشيخ محمد بن زايد، مش سهل إن حد يحط 35 مليار دولار مرة واحدة كده، ده مبيحصلش في أي حتة في العالم».
واستطرد السيسي: «ده شكل من أشكال المساندة والوقوف والدعم، والقرار اتاخد في ثانية من غير إحراج ولا حاجة، الدنيا كلها بتقف جنب بعضها، وإحنا أشقائنا في الخليج، دايمًا جنب مننا، لكن أنا بسجل موقف خاص بالإمارات في الموضوع ده، لأن الظرف الاقتصادي خلال السنوات الأربعة صعب في مصر بسبب الأزمات المتلاحقة».
وفي سياق مواز، طالب السيسي رئيس الوزراء مصطفى مدبولي بتخصيص جزء من أموال الصفقة لصالح صندوق «قادرون باختلاف»، قائلا: عايزين هبرة للصندوق بقى يا دكتور مصطفى، 10 مليار جنيه، ما انت جاتلك الفلوس خلاص».
وحول الأوضاع بغزة، قال السيسي إن مصر لم تغلق أبدا منافذها مع القطاع، مشيرا إلى أن عملية الإغاثة الحقيقية ستبدأ بعد وقف إطلاق النار.
