قال عبد الفتاح السيسي خلال افتتاح مصنع إنتاج الكوارتز بالعين السخنة معلقا على حجم الإنفاق على المشروعات القومية: «لو فضلنا نفكر هنجيب الدولار منين كل ما نعمل حاجة مش هنتحرك لقدام، واللي بيتصرف على المشروعات ميجيش ولا حاجة قدام اللي بنصرفه على الأغذية مثلا».
وأضاف السيسي: ««المشاريع التي نقوم بافتتاحها متاحة للطرح بالبورصة أمام المستثمرين المصريين والأجانب، علشان ندي فرصة لمواطنينا لاستثمار أموالهم في مجالات عائدها مضمون
وقال السيسي في كلمته أثناء افتتاح مجمع إنتاج الكوارتز: “حريصون على عدم تواجد أي معوقات أمام أي مؤسسة أو هيئة واللي موجود عندنا مش سر، ونحن أمام فرصة استثمارية بقولها للمستثمرين الأجانب للاستثمار في الكوارتز وهناك فرصة استثمار جيدة في مصر في قطاع الكوارتز والسيليكون المعدني”.
وقال إن الـ700 مليون دولار المطلوبة لإتمام الـ3 مراحل الأولى رقم كبير، لكن من الممكن استرداده في عدد سنوات قليل، حال توفير الاحتياج المحلي والتصدير للخارج.
وأضاف: «بنطلع نجيب بمليارات الدولارات حاجات أخرى، آه الرقم ده مش بسيط، لكن متنسوش إننا بنجيب بأرقام كبيرة مواد غذائية، والـ700 مليون دولار ولا حاجة بالنسبة للي بيتدفع في الأغذية».
وأكمل: «700 مليون دولار رقم كبير الدولة تدفعه، بس إحنا دابما المفاضلة عندنا إننا نقول ده بالدولار ونجيب الدولار منين، كده مش هنتحرك لقدام».
واستطرد: «وزارة التجارة والصناعة والبنك المركزي والمالية، عارفين إحنا بنجيب إيه وقيمته وفاتورته كام، ولو مراحل المشروع كاملة في مصر، هيوفر فرص عمل وناتج محلي وأوفر القيمة اللي أنفقتها بعد فترة».
وأضاف: «بالمناسبة الفرص الموجودة عندنا مش كتير أوي، معندناش خامات كتيرة مختلفة، لكن الموجود عندنا لازم نستفيد من الحد الأقصى بتاعه».
