هاجم مرتضى منصور، المحامي ورئيس نادي الزمالك، كلا من الداعية سعد الدين الهلالي، والكاتب إبراهيم عيسى، مشيرا إلى أنهما يسهمان بتخريب الفكر، مما أدى إلى انتشار الجرائم في المجتمع.
وقال منصور في الفيديو معلقا على واقعتي مقتل نيرة أشرف والمذيعة شيماء جمال: “وصلنا لمرحلة أن أي شاب بيحب بنت في سن معين، والبنت تسيبه يفكر في الانتقام منها بأنه يعمل موقف مش كويس، ويقوم ينتقم بتركيب صور لها ليست حقيقة للنيل من سمعتها، وحاجات كتير غلط بسبب البعد عن الدين والاستماع لسعد الدين الهلالي وإبراهيم عيسى”.
وأضاف في حديثه عن قضية مقتل نيرة أشرف: «فيه ناس بتطالب إن أنا أبقى المحامي بتاع البنت نيرة اللي اتقتلت، وبيجي لي رسايل، الموضوع يا جماعة مش منظرة؛ لأن القاتل جاب فريد الديب فلازم مرتضى».
وأفاد منصور بأن هذه الحادثة قد تحدث بشكل يومي، مستنكرا تعامل المواطنين مع قضية نيرة أشرف: «إنما مش ناخد شتيمة في البنت شوية وشتيمة في الواد شوية، هو الشاب استفاد ايه والبنت استفادت ايه، ولا حاجة ولا أي استفادة غير إن احنا وصلنا لمرحلة إن أي شاب بيحب بنت في سن معين وكلنا اتعرضنا لده.. كلنا واحنا في الجامعة فاكرين إننا نقدر نفتح بيت ونصرف عليه، والبنت تسيبك وأنت عايز تعمل معاها موقف مش كويس».
