كشف البطل الأولمبي أحمد الجندي تفاصيل معاقبة مسؤول بالدولة لعدد من الأشخاص، خلال دخولهم مجمع حمامات سباحة باستاد القاهرة.
وقال الجندي في تدوينة على حسابه الشخصي :« الصبح وأنا داخل التمرين بمجمع حمامات سباحة ستاد القاهرة، الأمن قالي إن في تعليمات بعدم دخول العربيات للباركينج المخصص عشان في مسؤول اتعطل امبارح 12 دقيقة، وقرر يعاقب الكل، بدون اعتبار إن دة لاعب منتخب»
وأضاف: «اللي أنا بعاقبك إنك هتدخل بشنط التمرين 15 دقيقة مشي الساعة 6 الصبح وتتأخر عشان «أنا المسؤول» اركن مكان 200 عربية. أنا مش هربط الموضوع ده بـ “محمد الشوربجي” لأن المشكلة نقطة في بحر، اللي كنت عايز أسأله «حضرتك ناوي تفضل معاقبنا لامتى؟!»
وفي تدوينة أخرى قال الجندي: “بخصوص باركينج الاستاد تواصل معي وزير الشباب والرياضة هاتفيا وتوضيح المشكلة بـ«غلطة» في التعليمات، وأود أن أشكره على اهتمامه وسرعة حل الموضوع”.
وزي ما قلت إن المشكلة لا أربطها بموضوع «الشوربجي»، لكنها شخصية ومكنتش حابب أضيع حقي؛ لأن الموضوع مش أحمد الجندي اللي جايب ميدالية أوليمبية، لكن بصفتي لاعب في المنتخب ونيابة عنهم كان لازم أتكلم عن اللي حصل.
وكان أحمد الجندي حصل على الميدالية الفضية في أولمبياد طوكيو 2020 في الخماسي الحديث للمرة الأولى في تاريخ مصر.
